“மிஸ் யூ” திரைப்படம் வரும் நவம்பர் 29ஆம் தேதி வெளியிடப்படவுள்ளது. நடிகர் சித்தார்த்தின் “சித்தா” திரைப்படம் கடந்த ஆண்டு எஸ்.யு. அருண்குமார் இயக்கத்தில் வெளியானது. அந்த படம் மாபெரும் வெற்றியைப் பெற்று, சித்தார்த்தின் திரையுலக வாழ்வில் பெரிய திருப்பமாக அமைந்தது.
“இந்தியன் 2” படத்திற்குப் பிறகு, காதல் கதையை மையமாக கொண்ட “மிஸ் யூ” படத்தில் சித்தார்த்தும், ஆஷிகா ரங்கனாத் கதாநாயகியாகவும் நடித்துள்ளனர். ராஜ்சேகர் இயக்கியுள்ள இப்படத்தை 7 மைல்ஸ் பெர்செகண்ட் ப்ரொடக்ஷன் தயாரித்துள்ளது. இதற்கு முன், ராஜ்சேகர் ஜீவா நடித்த “களத்தில் சந்திப்போம்” திரைப்படத்தை இயக்கியவர்.
“மிஸ் யூ” திரைப்படத்தின் டீசர் சமீபத்தில் வெளியானது, ரசிகர்களிடையே நல்ல வரவேற்பைப் பெற்றது. இதையடுத்து, படத்தின் டிரெய்லர் இன்று மாலை 5 மணிக்கு வெளியிடப்படும் என்று படக்குழு அறிவித்துள்ளது. இந்த ட்ரெய்லர்-ஐ நடிகர் கார்த்தி வெளியிடுகிறார்.
