SK23 படத்தில் இத்தனை சண்டை காட்சிகளா? ஆக்ஷன் மேல் ஆக்ஷன் பேக்கேஜ் வைத்துள்ள ஏ.ஆர்.முருகதாஸ்!

இயக்குனர் ஏ.ஆர். முருகதாஸ் இயக்கத்தில் நடிகர் சிவகார்த்திகேயன் தனது 23வது படத்தில் நடித்து வருகிறார். இப்படத்தில் கதாநாயகியாக ருக்மணி வசந்த் நடிக்கிறார். வித்யூத் ஜம்வால், விக்ராந்த், சபீர், பிஜு மேனன் ஆகியோர் முக்கிய கதாபாத்திரங்களில் நடித்துள்ளனர். அனிருத் இசையமைக்கும் இப்படத்தை ஸ்ரீ லஷ்மி மூவிஸ் நிறுவனம் தயாரிக்கின்றது.

இதன் படப்பிடிப்பு சென்னை, பாண்டிச்சேரி, தூத்துக்குடி உள்ளிட்ட பகுதிகளில் கடந்த சில மாதங்களாக நடைபெற்றது. இதுவரை படத்தின் படப்பிடிப்பு 50 சதவீதத்திற்கும் மேல் முடிவடைந்துள்ளது.

மேலும் இப்படத்தில் சுமார் 6 சண்டைக் காட்சிகள் இடம் பெறுவதாக கூறப்படுகிறது. சிவகார்த்திகேயனை முழு நேர ஆக்ஷன் ஹீரோவாக காட்ட ஏ.ஆர். முருகதாஸ் மிகவும் தீவிரமாக உழைத்து வருகிறார் என்று தகவல்கள் வெளியாகியுள்ளன.