பிரபல ஈரானிய இயக்குநர் மஜித் மஜித்தின் 2017ஆம் ஆண்டு வெளிவந்த பியாண்ட தி கிளவுட்ஸ் எனும் ஹிந்தி திரைப்படத்தின் மூலம் மாளவிகா நாயகியாக திரைத்துறையில் அறிமுகமானார். தமிழில், ரஜினிகாந்த் நடித்த பேட்ட, விஜய் நடித்த மாஸ்டர் படங்களில் நடித்து கவனம் பெற்றார். தற்போது, பா.ரஞ்சித் இயக்கத்தில் தங்கலான் என்ற படத்தில் நடித்துள்ளார்.
மலையாளத்தில் வெளியான கிறிஸ்டி திரைப்படம் விமர்சகர்களிடம் நல்ல வரவேற்பைப் பெற்றது குறிப்பிடத்தக்கது. பா.ரஞ்சித் இயக்கத்தில் உருவாகியுள்ள தங்கலான் படத்தில் முக்கியமான கதாபாத்திரத்தில் நடித்துள்ளார், இது மாளவிகாவுக்கு மேலும் ஒரு மாபெரும் வரவேற்பை பெற்றுக் கொடுத்தது. தங்கலானுக்கு பின், தெலுங்கு திரைப்படத்திலும் தன் அறிமுகத்தை செய்யவுள்ளார். இயக்குநர் மருதி இயக்கத்தில், நடிகர் பிரபாஸுடன் சேர்ந்து ‘தி ராஜா சாப்’ என்ற படத்தில் நடிக்கிறார்.
இப்போது, தமிழில், ‘சர்தார் 2’ படத்தில் நடிக்கிறார். இதன் படப்பிடிப்புக்காக சென்னை வந்துள்ளார். இயக்குநர் பி.எஸ். மித்ரன் இயக்கத்தில், நடிகர் கார்த்தி நடிப்பில் உருவான ‘சர்தார்’ திரைப்படம் மிகப்பெரிய வெற்றியடைந்தது. இதனைத் தொடர்ந்து, இப்படத்தின் இரண்டாம் பாகம் உருவாகி வருகிறது.
