தெலுங்கு திரையுலகில் முன்னணி நடிகர் ராம் சரண், இயக்குநர் ஷங்கர் இயக்கத்தில் உருவாகும் “கேம் சேஞ்சர்” என்ற படத்தில் நடித்து வருகிறார். இந்த படத்திற்கு கதையை கார்த்தி சுப்பராஜ் எழுதியுள்ளார். இந்நிலையில், கியாரா அத்வானி, அஞ்சலி, எஸ்.ஜே. சூர்யா, சமுத்திரகனி, நாசர் மற்றும் பலர் முன்னணி கதாபாத்திரங்களில் நடித்துள்ளனர். தமன் இந்த படத்திற்கு இசையமைக்க, திருநாவுக்கரசு ஒளிப்பதிவு பணிகளை மேற்கொள்கிறார். தில் ராஜூ தயாரித்துள்ள இந்த படம் வருகிற டிசம்பர் மாதம் வெளியாக இருக்கிறது.
கேம் சேஞ்சர் படத்தின் புதிய தகவல் தற்போது வெளியாகி உள்ளது. ஏற்கனவே படத்தின் படப்பிடிப்பு முடிவடைந்த நிலையில், தற்போதைய படத்திற்கு டப்பிங் பணிகள் துவங்கியுள்ளதாக படக்குழு அறிவித்துள்ளது.
சில மாதங்களுக்கு முன்பு கேம் சேஞ்சர் படத்தின் “ஜரகண்டி” என்ற பாடல் வெளியிடப்பட்டது. இப்பாடல் மக்களிடையே நல்ல வரவேற்பை பெற்றது. எதிர்காலத்தில் இந்த படத்தின் மேலும் அப்டேட்கள் வெளிவரும் என்று எதிர்பார்க்கப்படுகிறது.
