சிவகார்த்திகேயன் தற்போது அமரன் படத்தில் நடித்துள்ளார்.அடுத்து, ஏ.ஆர்.முருகதாஸ் இயக்கும் படத்திலும் நடித்துக் கொண்டிருக்கிறார். இந்த இரண்டு படங்களும் ரசிகர்களிடையே பெரும் எதிர்பார்ப்பை ஏற்படுத்தியுள்ளன. அமரன் படத்தின் ஷூட்டிங் நிறைவடைந்ததாக சமீபத்தில் அறிவிக்கப்பட்டுள்ளது. இந்நிலையில், அமரன் படத்தின் ரிலீஸ் தேதி குறித்த தகவல் வெளியாகியுள்ளது, இது ரசிகர்களை உற்சாகப்படுத்தியுள்ளது.
சிவகார்த்திகேயன் தற்போது தமிழ் திரையுலகின் முன்னணி நட்சத்திரங்களில் ஒருவராக விளங்குகிறார். அவர் நடித்த டாக்டர், டான் ஆகிய படங்கள் 100 கோடி ரூபாய் வசூலித்து வெற்றிப்பெற்றன. இவ்வாறு தனது திறமையை நிரூபித்துள்ள சிவகார்த்திகேயனை, 2K தலைமுறை ரசிகர்கள் மிகுந்த ஆர்வத்துடன் ஏற்றுக்கொண்டுள்ளனர். விஜய்க்கு இருப்பது போல, சிவகார்த்திகேயனுக்கும் இன்றைய தலைமுறையினரிடையே வரவேற்ப்பு உள்ளதாக கூறப்படுகிறது.
சிவகார்த்திகேயன் தொடர்ச்சியாக வெற்றிப் படங்களை கொடுத்து வருகிறார் அவரது ‘பிரின்ஸ்’ படம் பலத்த அடி வாங்கிய நிலையில் ‘மாவீரன்’ படமும் அயலான் படமும் சூப்பர் ஹிட் ஆகின.சிவகார்த்திகேயனின் நடிப்பும் இப்படங்களில் பெரிதாக பேசப்பட்டது.
இந்த வெற்றிகளைத் தொடர்ந்து, சிவகார்த்திகேயன் ‘அமரன்’ படத்தில் நடித்துள்ளார். இந்த படத்தின் ஷூட்டிங் சமீபத்தில் நிறைவடைந்துள்ளது. இப்போது, அமரன் படம் செப்டம்பர் மாதத்தில் ரிலீஸ் ஆக திட்டமிடப்பட்டுள்ளதாக தகவல் வெளியாகியுள்ளது. இதே நேரத்தில், விஜய்யின் ‘GOAT’ படமும் செப்டம்பர் 5ஆம் தேதி ரிலீஸாகவிருப்பதால், சிவகார்த்திகேயனின் அமரன் படம் விஜய்க்கு போட்டியாக களமிறங்கும் என ரசிகர்கள் எதிர்பார்க்கின்றனர்.
