புதிய கூட்டணியான இயக்குனர் ஆனந்த் நாராயணன் மற்றும் சந்தானம், ஒரு எளிய கதையால் இரண்டு மணி நேரம் முழுவதும் நம்மை சிரிக்க வைக்கிறார்கள். லாஜிக்குகளைப் பொருட்படுத்தாமல் சிரித்துவிட்டு திரும்பலாம்.சென்னையில் வெடிகுண்டு வைப்பதற்காக தீவிரவாத கும்பல் திட்டமிடுகிறது. குண்டு வைக்க வந்த தீவிரவாதியான விவேக் பிரசன்னா, சந்தானத்தின் வீட்டில் கரண்ட் ஷாக் அடித்து, சந்தானம் குடும்பத்தினரால் காப்பாற்ற முயற்சிக்கப்பட்டு இறக்கிறார்.
பிணத்தை அகற்ற திட்டமிட்டு, அதைச் செய்து வீடு திரும்புகிறார்கள். ஆனால், வீட்டில் விவேக் பிரசன்னா உயிரோடு இருக்கிறார். அப்போது டிவியில் அவரைப் பற்றிய செய்தி வருகிறது. அவரை பிடித்துக் கொடுத்தால் 50 லட்சம் பரிசு என்றும் காவல் துறை அறிவிக்கிறது. சான்று உயிரோடு இருக்கும் விவேக் பிரசன்னா, சந்தானத்தின் நண்பர். 50 லட்சம் பணத்திற்காக, சந்தானம், விவேக் பிரசன்னாவின் பிணத்தை ஹாஸ்பிடலிலிருந்து கடத்தி போலீசிடம் ஒப்படைக்க திட்டமிடுகிறார். இதற்கு பிறகு என்ன நடக்கிறது என்பதுதான் படத்தின் மீதிக் கதை.ஒரு பிணத்தை மையமாக வைத்து படத்தை நகர்த்தியிருக்கிறார்கள்.
இதற்கு முன்பும் இதுபோல சில படங்கள் வந்திருந்தாலும், அவற்றையெல்லாம் இந்தப் படத்துடன் ஒப்பிட முடியாது என கூறுகிறார்கள். படத்தின் முதல் பாதி எளிதாக நகர்ந்தாலும், இரண்டாம் பாதி தட்டுத் தடுமாறி நகர்கிறது.சந்தானம் வழக்கம் போல காமெடியில் உத்தரவாதம் தருகிறார். ஒரே வரி நகைச்சுவையை முழு படத்திலும் பரப்புவதால் ரசிக்க முடிகிறது. ஆரம்பத்தில் பெண் பார்க்கும் காட்சி என கொஞ்சம் ‘டிராமா’ சேர்க்கிறார்கள்.
சந்தானத்திற்கு ஒரு அருமையான டூயட்டையும் வைத்திருக்கிறார்கள். கொஞ்சம் காதல், நிறைய காமெடி என காமெடியில் கிங்குதான் என நிரூபித்திருக்கிறார் சந்தானம்.சந்தானத்தின் ஜோடியாக பிரியலயா. ஒரு டூயட்டைத் தவிர அவருக்கு குறிப்பிடத்தக்க வேடமில்லை. முகம் கூட மனதில் பதிய மறுக்கிறது. அவருக்கென கொஞ்சம் ‘ஸ்பேஸ்’ கொடுத்திருக்கலாம்.தம்பி ராமையா தேவையில்லாமல் கூச்சலிடும் நடிப்பை எப்போது நிறுத்துவார் என்பது தெரியவில்லை.
யாராவது அவரிடம் இது சினிமா, ‘டிராமா’ அல்ல என கூறினால் நன்றாக இருக்கும். சந்தானத்தின் மச்சானாக பால சரவணன். சந்தானத்துடன் புதிதாக இணைந்து, தனது பங்கிற்கு சிரிக்க வைத்திருக்கிறார்.சந்தானத்தின் நண்பன், வெடிகுண்டு வைக்க வந்த தீவிரவாதி என இரண்டு வேடங்களில் விவேக் பிரசன்னா. பிணங்களை வைத்து பிழைப்பு நடத்தும் திருட்டுப் பேர்வழியாக முனிஷ்காந்த். மாறன், சுவாமிநாதன், சேஷு என சந்தானத்தின் கம்பெனி ஆர்ட்டிஸ்ட்களும் படத்தில் உண்டு.
மாறனை சரியாகப் பயன்படுத்தவில்லை.சந்தானம், பிரியலயா பாடும் டூயட் பாடலான ‘மாயோனோ’ பாடல் வேறு ஹீரோவுக்காகப் போட வேண்டிய பாடலாகத் தோன்றுகிறது. சந்தானத்திற்குப் பொருந்தாமல் இருந்தாலும் அழகாக எடுத்திருக்கிறார்கள். இமான் இசையில் பாடல்களும், பின்னணி இசையும் சராசரி.வெடிகுண்டு வைப்பது எல்லாம் ‘அவுட்டேட்டட்’ சினிமாவாகிவிட்டது.
படத்தில் லாஜிக்குகளை எங்கும் பார்க்கக் கூடாது. ஒரு ஹாஸ்பிட்டலில் இருந்து பிணத்தையே கடத்துகிறார்கள். அங்கு சிசிடிவி இல்லவே இல்லை. பிணத்துடன் செல்லும் வண்டியை போலீசார் எங்கும் சோதனை செய்யவில்லை. கிளைமாக்சில் திடீரென ஆக்ஷன் ஹீரோவாகி சண்டை போடுகிறார் சந்தானம். இப்படி எந்த கேள்விகள் எழுந்தாலும் அவற்றையெல்லாம் தள்ளிவைத்து, தமாஷாய் சிரித்துவிட்டு வரலாம்.
