கமல் ஹாசன் “இந்தியன் 2” படத்தில் நடித்து முடித்திருக்கிறார். அடுத்ததாக, மணிரத்னம் இயக்கத்தில் உருவாகும் “தக் லைஃப்” படத்தில் நடித்து வருகிறார். “நாயகன்” படத்திற்கு பின்னர் மீண்டும் இவர்கள் இணைந்து பணிபுரிவதால், இந்த புதிய படத்தின் மீதான எதிர்பார்ப்பு மிக அதிகமாக உள்ளது. இந்த படப்பிடிப்பு முடிந்தவுடன், சண்டை பயிற்சியாளர்களில் ஒருவரான அன்பறிவ் இயக்கத்தில் ஒரு படத்தில் கமல் ஹாசன் நடிக்கவிருக்கிறார்.
நடிகராக மட்டுமின்றி, கமல் ஹாசன் தற்போது சிவகார்த்திகேயன் நடிக்கும் “அமரன்” மற்றும் சிம்பு நடிக்கும் “எஸ்டிஆர் 48” ஆகிய படங்களை தயாரிக்கவும் செய்கிறார்.இச்சமயத்தில், தமிழ்நாடு திரையரங்க உரிமையாளர்கள் சங்கத்தின் நிறுவனர் டி.இராமானுஜத்தின் நூற்றாண்டு விழா மயிலாப்பூரில் உள்ள ஏவிஎம் ராஜேஸ்வரி திருமண மண்டபத்தில் நடைபெற்றது.
இதில் கமல் ஹாசன், பாக்யராஜ், தயாரிப்பாளர் தாணு உள்ளிட்ட பலரும் கலந்து கொண்டனர்.அந்த விழாவில் பேசுகையில், கமல் ஹாசன், “இது ஒரு குடும்ப விழா. என்னை அழைத்திருக்காவிட்டாலும் நான் வந்திருப்பேன். நமது குடும்பம் மிக மிக சிறியது” என்று கூறினார்.
இந்த குடும்பத்தில் நிறைய விவாதங்கள், சிக்கல்கள், மற்றும் முரண்பாடுகள் இருக்கும். அதற்காக ஒருவரை ஒருவர் திட்டுவது அவசியமில்லை. திரையுலகின் தந்தை டி.இராமானுஜம் என்று சொல்வது மிகவும் பொருத்தமாகவே இருக்கும். இவருக்கு விழா நடத்த வேண்டும் என்று யோசித்த அனைவருக்கும் நன்றி,” என்று அவர் கூறினார்.
