இயக்குநர் ஷங்கரின் மகள் என்ற அடையாளத்துடன் தமிழ் திரையுலகில் கதாநாயகியாக அறிமுகமானவர் அதிதி ஷங்கர். முதல் படத்திலேயே ரசிகர்களின் கவனத்தை ஈர்த்த அவர், தொடர்ந்து சில படங்களில் நடித்து தனக்கென ஒரு இடத்தை உருவாக்க முயற்சி செய்து வருகிறார்.
அறிமுகத்திற்குப் பிறகு அவர் நடித்த திரைப்படங்களில் சில ரசிகர்களிடம் வரவேற்பைப் பெற்றாலும், சமீபத்திய படங்கள் எதிர்பார்த்த அளவிற்கு வெற்றி பெறவில்லை. இதனால், அடுத்ததாக அவர் தேர்வு செய்யும் கதாபாத்திரங்கள் மற்றும் படங்கள் குறித்த எதிர்பார்ப்பு ரசிகர்கள் மத்தியில் இருந்து வருகிறது.
இதனிடையே, அர்ஜுன் தாஸ் உடன் இணைந்து அதிதி ஷங்கர் நடித்த ‘ஒன்ஸ்மோர்’ திரைப்படம் சமீபத்தில் வெளியானது. இப்படம் பெரிய அளவில் வெற்றி பெறாவிட்டாலும், ஓரளவிற்கு ரசிகர்களின் கவனத்தை ஈர்த்தது.இந்த சூழலில், அதிதி ஷங்கர் தனது இன்ஸ்டாகிராம் பக்கத்தில் பகிர்ந்துள்ள புடவை அணிந்த அழகிய புகைப்படங்கள் தற்போது ரசிகர்களின் கவனத்தை ஈர்த்து வருகின்றன. பாரம்பரிய தோற்றத்தில் அவர் வெளியிட்டுள்ள இந்த லேட்டஸ்ட் புகைப்படங்களுக்கு ரசிகர்கள் மத்தியில் நல்ல வரவேற்பு கிடைத்து வருகிறது.
