ரஜினிகாந்த் நடிப்பில் உருவாகி வரும் “தர்மன்” திரைப்படத்தின் இரண்டாம் கட்ட படப்பிடிப்பு தற்போது சென்னையில் விறுவிறுப்பாக நடைபெற்று வருகிறது. கமல்ஹாசனின் ராஜ் கமல் பிலிம்ஸ் இன்டர்நேஷனல் தயாரிக்கும் இந்தப் படத்தை, ஓ மை கடவுளே மற்றும் டிராகன் படங்களை இயக்கிய அஷ்வத் மாரிமுத்து இயக்குகிறார்.
படப்பிடிப்பு மீண்டும் தொடங்கியதை உறுதிப்படுத்தும் வகையில், படக்குழு புதிய வீடியோ ஒன்றை வெளியிட்டுள்ளது. அதில் இயக்குநர் “ஆக்ஷன்” என்று சொல்ல, ரஜினிகாந்த் தனது வழக்கமான ஸ்டைலுடனும் கம்பீரமான தோற்றத்துடனும் நடிக்கும் காட்சிகள் இடம்பெற்றுள்ளன. இந்த வீடியோ சமூக வலைதளங்களில் வேகமாக பரவி வருகிறது.
தற்போது நடைபெற்று வரும் ஷெட்யூலில் ரஜினிகாந்த் பங்கேற்கும் பிரம்மாண்டமான பாடல் காட்சி படமாக்கப்பட்டு வருவதாக தகவல் வெளியாகியுள்ளது. மேலும், இந்தப் படத்தில் அவர் மருத்துவர் கதாபாத்திரத்தில் நடிக்கிறார் என்பது ரசிகர்களின் ஆர்வத்தை அதிகரித்துள்ளது.
சிம்ரன் இப்படத்தில் கதாநாயகியாக நடித்துள்ளார். பேட்ட படத்திற்குப் பிறகு அவர் மீண்டும் ரஜினியுடன் இணைந்துள்ளார். அதேபோல், பஞ்சதந்திரம் மற்றும் பம்மல் கே. சம்பந்தம் படங்களுக்கு பிறகு கமல்ஹாசனின் தயாரிப்பிலும் மீண்டும் பணியாற்றுகிறார். ராஷி கண்ணா, யோகி பாபு உள்ளிட்டோர் முக்கிய வேடங்களில் நடித்துள்ள நிலையில், மிஷ்கின் மற்றும் ருக்மிணி வசந்த் ஆகியோரும் படத்தில் இருப்பதாக தகவல்கள் வெளியாகியுள்ளன. ஆனால் இதை படக்குழு இன்னும் அதிகாரப்பூர்வமாக உறுதிப்படுத்தவில்லை. படத்தின் கதை தற்போது ரகசியமாக வைக்கப்பட்டுள்ளது.
