மலையாளத் திரையுலகின் முன்னணி நடிகர் பஹத் பாசில். அவருக்கு மலையாளத்தில் மட்டுமின்றி தமிழ், தெலுங்கு மொழிகளிலும் நல்ல வரவேற்பு கிடைத்துள்ளது.தற்போது தமிழில் ரஜினிகாந்த் நடிக்கும் ‘வேட்டையன்’, தெலுங்கில் அல்லு அர்ஜுன் நடிக்கும் ‘புஷ்பா 2’ ஆகிய படங்களில் நடித்துள்ளார்.

மலையாளத்தில் முன்னணி நடிகராக இருந்தாலும் அவர்களின் சம்பளம் சில கோடிகளாக மட்டுமே இருக்கும். மலையாளத்தில் படங்கள் குறைந்த செலவில்தான் தயாரிக்கப்படுகின்றன.மலையாளத்தில் குறைவான சம்பளம் வாங்கினாலும் மற்ற மொழிகளில் அதிக சம்பளம் வாங்குவது வழக்கம்.

பஹத் பாசில் தற்போது தெலுங்கில் நடித்து வரும் ‘புஷ்பா 2’ படத்திற்காக நாள் கணக்கில் சம்பளம் வாங்குகிறாராம். ஒரு நாளைக்கு அவருக்கு 12 லட்சம் ரூபாய் வழங்கப்படுகிறதாம்.தமிழ், தெலுங்கில் நகைச்சுவை நடிகர்கள், குணச்சித்திர நடிகர்கள் நாள் கணக்கு அடிப்படையில் சம்பளம் வாங்குவது வழக்கம். அதிகபட்சமாக 5 லட்ச ரூபாய் வரை சம்பளம் வழங்கப்படும். தமிழில் தற்போது யோகி பாபு தான் இப்படி சம்பளம் வாங்கி வருகிறார்.