இயக்குனர் ராஜ்குமார் பெரியசாமி இயக்கத்தில் சிவகார்த்திகேயன் நடித்து முடித்துள்ள திரைப்படம் ‘அமரன்’. உலக நாயகன் கமல்ஹாசனின் ராஜ்கமல் நிறுவனம் இப்படத்தை தயாரிக்கின்றது. இப்படத்தில் சிவகார்த்திகேயனுக்கு ஜோடியாக சாய் பல்லவி நடித்துள்ளார். இசையமைப்பில் ஜி.வி.பிரகாஷ்குமார் பணியாற்றியுள்ளார்.
இந்த திரைப்படத்தில் “முகுந்தன்” என்ற கதாபாத்திரத்தில் சிவகார்த்திகேயன், ஒரு ராணுவ வீரராக நடித்திருக்கிறார். ஜம்மு காஷ்மீரில் உள்ள இந்திய ராணுவ தளத்தின் உயர் அதிகாரியாக அவர் நடித்துள்ளார்.
மறைந்த இந்திய ராணுவ வீரர் முகுந்தன் வரதராஜன் வாழ்க்கையை மையமாக கொண்டு இந்த படம் எடுக்கப்பட்டுள்ளது. அமரன் திரைப்படம் தீபாவளி பண்டிகையை முன்னிட்டு அக்டோபர் மாதம் 31 ஆம் தேதி வெளியாகும் என படக்குழு அறிவித்துள்ளது. சுதந்திர தினத்தை முன்னிட்டு அமரன் படத்தின் சிறப்பு போஸ்டரை வெளியிட்டு படக்குழு வாழ்த்து தெரிவித்துள்ளது.
