சிவகார்த்திகேயன், ராஜ்குமார் பெரியசாமி இயக்கத்தில் அமரன் படத்தில் நடித்துள்ளார். மேலும், இயக்குனர் முருகதாஸ் இயக்கத்தில் SK23 படத்தில் நடித்துக்கொண்டிருக்கிறார்.இந்த நிலையில், வெங்கட் பிரபுவுடன் அவர் ஒரு படத்தில் கமிட்டாகியிருக்கிறார் என தகவல்கள் வெளியாகின.
இந்த படத்தின் படப்பிடிப்பு விரைவில் தொடங்கவிருக்கிறது. இதற்கிடையில், சிவகார்த்திகேயனின் புதிய படம் குறித்த தகவல் வெளியாகியுள்ளது. தற்கால தலைமுறை இயக்குநர்களில் முக்கியமானவரான ஹெச்.வினோத்துடன் அவர் ஒரு படத்தில் இணைகிறாராம். மகாராஜா படத்தை தயாரித்த ஃபேஷன் ஸ்டூடியோஸ் இதை தயாரிக்கவிருப்பதாகவும் கூறப்படுகிறது.
அதேசமயம், தளபதி 69 படத்தை முடித்த பிறகே ஹெச்.வினோத் சிவகார்த்திகேயன் படத்தை இயக்குவார் என்றும், அந்த இடையில் சிவகார்த்திகேயன் சிபி சக்கரவர்த்தி இயக்கத்தில் நடித்துவிடுவார் என்றும் எதிர்பார்க்கப்படுகிறது.
