நடிகர் அருண் விஜய் தனது பிறந்த நாளை முன்னிட்டு ராயப்பேட்டை அரசு மருத்துவமனையில் ரத்ததானம் செய்துள்ள நிகழ்வு அனைவராலும் பாராட்டப்பட்டது. அதன் பின்னர் செய்தியாளர்களை சந்தித்து அவர் பல்வேறு தகவல்களை பகிர்ந்தார். வணங்கான் எனது வாழ்க்கையின் மிக முக்கியமான படமாக அமையும் என்பதில் எந்த சந்தேகமும் இல்லை. இந்தப் படத்தின் மூலம் ஒரு நடிகராக எனது திறனின் புதிய பரிணாமத்தை வெளிப்படுத்தியதற்கு இயக்குநர் பாலா சாருக்கு நான் மனமார்ந்த நன்றி கூறுகிறேன்” என்று தெரிவித்தார்.
அதற்கு தொடர்ந்து, பாலா படம் என்றாலே அது மிகுந்த சிரமமாக இருக்கும் என்று பலரும் நினைக்கிறார்கள். ஆனால் இந்தப் படத்தின் வேலை எனக்கு சிரமமாக இல்லை. நான் இதை மனதார விரும்பி செய்தேன். பாலா சாருடன் பணியாற்றுவது எனக்கு மிகச் சிறந்த அனுபவமாக இருந்தது என்றார்.
பின்னர், அஜித்தின் குட் பேட் அக்லி படம் பொங்கலுக்கு வெளியாவது குறித்து கேள்வி எழுப்பியபோது, “அஜித் சார் என்பது உச்சம். அவருக்கு யாரும் போட்டியாக இருக்க முடியாது. அவருடைய ரசிகர்கள் என்னையும் நேசிக்கிறார்கள். எனவே, எங்களுக்கு இடையே எந்தவித போட்டியும் இல்லை என்று அருண் விஜய் பதிலளித்தார்.மேலும், விஜய் அவர்கள் தொடங்கிய விஜய் மக்கள் இயக்கத்தின் அரசியல் பயணத்திற்கான கேள்விக்கும் அவர் தனது கருத்தைத் தெரிவித்தார். விஜய் சாரின் அரசியல் முயற்சி வெற்றியாக அமைய என் வாழ்த்துக்கள் என்று கூறினார். கூடுதலாக, அஜித் மற்றும் அருண் விஜய் இணைந்து நடித்த என்னை அறிந்தால் படம் அவரது வழிப்பயணத்தில் ஒரு முக்கிய அத்தியாயமாகும் என்பது குறிப்பிடத்தக்கது.
