எளிய குடும்பத்தைச் சேர்ந்த கலையரசன் (கவின்) சினிமாவில் ஹீரோவாக ஜெயிக்க வேண்டும் என்ற கனவுடன் வளர்கிறான். அவன் கனவை நனவாக்கும் தருணத்தில் நிகழும் ஒரு விபத்தும், அதன்பின்பு வரும் நடுத்தர வர்க்க அழுத்தங்களும் அவன் இலக்கை எவ்வாறு சீரழித்தன என்பதே கதை.
![](https://touringtalkies.co/wp-content/uploads/2024/05/Kavin_StarTrailer_270424_4-f70-1024x576.jpg)
அவனது கனவை நனவாக்க முடியாமல் போனதால், மகனாவது வெற்றிபெற வேண்டும் என்று அவனை ஆதரிக்கும் அப்பா மற்றும் மகன் நல்ல வேலைக்குப் போய் மகிழ்ச்சியான வாழ்க்கை வாழ்ந்தால் போதும் என நினைக்கும் அம்மா ஆகிய துணைக் கதாபாத்திரங்கள் விரிவாக சித்தரிக்கப்படுகின்றன.
![](https://touringtalkies.co/wp-content/uploads/2024/05/star-movie-special-promo-kavin-elan-yuvan-shankar-raja-svcc-rise-east-entertainment_1693462935-1.jpg)
ஆனால், முதன்மைக் கதாபாத்திரமான மகன், தனது கனவை வெறித்தனமாக நேசிப்பதற்கே அதிக அக்கறை காட்டும் இளைஞனாக, அந்தக் கனவை அடைவதற்கான முயற்சியில் அக்கறை காட்டாமல், அன்றாட வாழ்வின் சில்லறைக் காரணங்களால் விழுந்து எழுபவனாக சிதறடிக்கப்பட்டிருக்கிறான். இதற்கு அவன் வாழ்க்கையில் எதிர்கொள்ளும் காதலின் வலியும் புதுமையற்றதுமானதுமே காரணம்.
![](https://touringtalkies.co/wp-content/uploads/2024/05/109666598-1024x576.webp)
முகத்தில் விபத்தால் ஏற்பட்ட தழும்பை நீக்குவதற்கான சிகிச்சைகள் இருந்தபோதிலும், அதனால் அவமானப்பட்டு தன் வாழ்வில் நிம்மதியைக் கெடுப்பது, முதல் நாயகி காதலித்ததும், பின்னர் விட்டு சென்றதும் உண்மையில் காரணமாக இருக்க முடியாது. “கலையை உருவாக்குபவனை விட, ரசிப்பவருக்கே அது சொந்தம்” என்பதுபோன்ற வசனங்கள் பல இடங்களில் மனதை கவர்கின்றன.
![](https://touringtalkies.co/wp-content/uploads/2024/05/229035_thumb_665-1.jpg)
தன் முகத்தை மறைத்து காதலுக்காக அவமானப்படுவது, அப்பாவின் கருத்துப்படி முகம் முக்கியம் என்பதால், பிடிக்காத வேலைக்குச் செல்வது போன்ற சவால்களை சமாளிக்கிற கலையரசன் கதாபாத்திரத்தை கவின் மிகச்சிறப்பாக நடித்து ஸ்கோர் போர்டில் முன்னிலை பிடிக்கிறார். பின்னர், அவரது அப்பா லால், அம்மா கீதா கைலாசம், காதலி அதிதி போகன்கர் ஆகியோரின் மெல்லிய நடிப்பும் பெரிதும் கவர்கின்றன.
![](https://touringtalkies.co/wp-content/uploads/2024/05/Star-trailer-1024x576.jpeg)
திரைப்படத்தின் சில பகுதிகள் மற்றும் காட்சிகள் பாராட்டுதலுக்கு உரியவையாக இருக்கும் நிலையில், யுவன் சங்கர் ராஜா பின்னணி இசை மற்றும் பாடல்களை பயன்படுத்தி படத்தின் ஒழுங்கின்மையை சரிசெய்ய முயற்சித்துள்ளார். 90-களின் காலத்தை மீண்டும் நினைவூட்டும் கலை இயக்கம் மற்றும் கே.எழிலரசுவின் கவர்ச்சிகரமான ஒளிப்பதிவு ஆகியவை, பார்வையாளர்களின் பொறுமையை இழக்காமல் காப்பாற்றுகின்றன.இன்றைய டிஜிட்டல் யுகத்தில், சினிமா உருவாக்கம் எளிதாகி விட்ட நிலையில், நடிகனாகும் கனவுடன் வரக்கூடாது என்று எதிர்மறையாக எச்சரிக்கும் இந்த ஸ்டார் படம் நிச்சயம் ஒரு முறை பார்க்கலாம்.