நாக் அஷ்வின் இயக்கத்தில் பிரபாஸ், தீபிகா படுகோனே, அமிதாப்பச்சன், கமல்ஹாசன் மற்றும் பலர் நடிக்கும் ‘கல்கி 2898 எடி’ திரைப்படம் ஜூன் 27ம் தேதி பான் இந்தியா படமாக வெளியாகவுள்ளது. இப்படத்தின் வெளியீட்டுக்கு முன்பாக பிரமாண்டமாக ஒரு விழாவை ஆந்திர மாநிலத்தில் நடத்த திட்டமிட்டுள்ளனர்.
இந்த விழா ஆந்திராவின் புதிய தலைநகரமாக அமையவுள்ள அமராவதியில் நடைபெறும் முதல் பிரம்மாண்டமான சினிமா விழாவாக இருக்கும். இதில் ஆந்திர முதல்வர் சந்திரபாபு நாயுடு, தெலுங்கு நடிகர் சிரஞ்சீவி, சூப்பர் ஸ்டார் நடிகர் ரஜினிகாந்த் ஆகியோர் கலந்து கொள்ள உள்ளனர் என்று தகவல் வெளியாகி உள்ளது.
இபாபடத்தில் நடிக்கும் அனைத்து நட்சத்திரங்களும் இவ்விழாவில் கலந்து கொள்வார்கள் என கூறப்படுகிறது. இந்த விழாவை மிகப்பெரிய அளவில் நடத்தி, படத்தை இந்திய அளவில் பிரபலமாக்க வேண்டும் என நினைத்துள்ளனர் படக்குழு. விழாவுக்குப் பிறகு சென்னை, மும்பை போன்ற நகரங்களில் புரோமோஷன் நிகழ்ச்சிகள் நடைபெற என கூறப்படுகிறது.
