கடந்த வாரம் மலையாளத்தில் நடிகர் டொவினோ தாமஸ் நடிப்பில் “அஜயண்டே இரண்டாம் மோசனம்” என்ற திரைப்படம் வெளியானது. மூன்று காலகட்டங்களில் நடக்கும் கதையாக உருவாக்கப்பட்ட இந்தப் படம், ஒரு பீரியட் படமாகும். இதில் மூன்று விதமான கதாபாத்திரங்களில் டொவினோ தாமஸ் நடித்துள்ளார். அவருக்கு ஜோடியாக ஐஸ்வர்யா ராஜேஷ், கிர்த்தி ஷெட்டி மற்றும் மலையாள நடிகை சுரபி லட்சுமி நடித்திருந்தனர். நடிகை சுரபி லட்சுமி, பல படங்களில் துணை கதாபாத்திரங்களில் நடித்தவர், மேலும் 2017ல் வெளிவந்த “மின்னாமினுங்கு” படத்தில் கதாநாயகியாக நடித்ததற்காக சிறந்த குணச்சித்திர நடிகைக்கான தேசிய விருதையும் பெற்றவர்.
இந்நிலையில், “அஜயண்டே இரண்டாம் மோசனம்” படத்தில் மாணிக்கம் என்கிற கதாபாத்திரத்தில் சிறப்பாக நடித்ததற்காக, சுரபி லட்சுமி பெரும் பாராட்டுகளை பெற்றுள்ளார். பாலிவுட் நடிகர் அக்ஷய் குமார் கூட அவருக்கு தனது பாராட்டுகளை வீடியோ மூலம் தெரிவித்தார். இதற்கு முன்னதாக, சுரபி லட்சுமி “மின்னாமினுங்கு” படத்திற்கு தேசிய விருது பெறுவதற்காக நடந்த விழாவில் அக்ஷய் குமாரின் அருகில் அமர வாய்ப்பு கிடைத்தது. அப்போது அவர், அக்ஷய் குமாரின் தீவிர ரசிகை என்றும், தனது முதல் படத்திலேயே தேசிய விருது பெற்றது பெரும் மகிழ்ச்சியை அளித்தது என்றும் கூறி, அவரிடம் ஹிந்தியில் பேசினார்.
இப்போது, அந்த நிகழ்வை நினைவில் கொண்டு, தற்போது அக்ஷய் குமார், சுரபி லட்சுமியை பாராட்டியுள்ளார். அவர், சுரபியின் திறமையைப் புகழ்ந்தார். இதுகுறித்து சுரபி லட்சுமி கூறுகையில், “நான் அப்போது எனக்குத் தெரிந்த அளவுக்கு ஹிந்தியில் பேசினேன். அவர் அதை தவறாக புரிந்தார் என்று நினைக்கிறேன். ஆனாலும் இவ்வளவு வருடங்கள் கழித்து அவர் என்னை ஞாபகத்தில் வைத்திருப்பது மிகப் பெரும் ஆச்சர்யமாக இருக்கிறது” என்று தெரிவித்தார் சுரபி.
