பிரதீப் ரங்கநாதனின் எல்.ஐ.கே படத்தின் எஸ்.ஜே.சூர்யாவுக்கான ஃபர்ஸ்ட் லுக் போஸ்டர் வெளியீடு! #LIK

இயக்குநர் விக்னேஷ் சிவன் ‘லவ் டுடே’ புகழ் பிரதீப் ரங்கநாதனை வைத்து புதிய படத்தை இயக்கி வருகிறார். இப்படத்திற்கு, லவ் இன்சூரன்ஸ் கம்பெனி (எல்ஐகே) எனப் பெயரிட்டுள்ளனர். பிரதீப்புக்கு ஜோடியாக நடிகை கீர்த்தி ஷெட்டியும் முக்கிய கதாபாத்திரத்தில் நடிகர் எஸ்.ஜே.சூர்யாவும் நடிக்கின்றனர்.

இப்படப்பிடிப்பில் பிரதீப் ரங்கநாதனுக்கு அப்பாவாக நாம் தமிழர் கட்சியின் ஒருங்கிணைப்பாளர் சீமான் நடித்து வருவதாகக் கூறப்படுகிறது. இந்த நிலையில், லவ் இன்சூரன்ஸ் கம்பெனி படத்தின் எஸ்.ஜே. சூர்யாவுக்கான முதல் போஸ்டரை படக்குழு வெளியிட்டுள்ளது. முன்பு வெளியான டீசர் போஸ்டரில், ‘இதயம் செய்வதை எந்திரம் செய்யாது’ எனக் குறிப்பிட்டிருந்தனர்.

இதனால், இப்படம் சயின்ஸ் பிக்சனுடன் இணைந்த காதல் கதையாக இருக்கலாம் என எதிர்பார்க்கப்படுகிறது.