தமிழ் சினிமாவின் முன்னணி நடிகர்களில் ஒருவரான விக்ரமின் சமீபகாலமாக படங்கள் வெற்றியைப் பெறவில்லை. அவர் பெரிய ரஞ்சித் இயக்கத்தில் நடித்துள்ள தங்கலான் படம் விரைவில் வெளியிடப்பட உள்ளது. இந்த படத்திற்கு மிகப்பெரிய எதிர்பார்ப்பு நிலவுகிறது. இதற்கடுத்து, விக்ரம் சமீபத்தில் சித்தா படத்தின் இயக்குனர் அருண் குமார் இயக்கத்தில் உருவாகும் ‘வீர தீர சூரன்’ படத்தில் நடித்து வருகிறார்.
இந்த படத்தில் மற்ற முக்கிய வேடங்களில் எஸ்.ஜே. சூர்யா, சுராஜ் வெஞ்சரமூடு மற்றும் துஷாரா ஆகியோர் நடித்துள்ளனர். இந்த படத்தின் ஷூட்டிங் விறுவிறுப்பாக மதுரையில் நடந்து வருகிறது. இந்நிலையில், இந்த படத்தின் ஷூட்டிங் பற்றி நடிகர் எஸ்.ஜே. சூர்யா வெளியிட்டுள்ள பதிவு இணையத்தில் கவனம் பெற்றுள்ளது.
அதில், ‘வீர தீர சூரன்’ படத்தில் நான், விக்ரம் மற்றும் சுராஜ் ஆகியோர் பங்கேற்கும் கிளைமேக்ஸுக்கு முந்தைய காட்சிகள் படமாக்கப்பட்டன. இந்த காட்சியை தன்னுடைய குழுவினரோடு சேர்ந்து 10 நாட்கள் ஒத்திகை பார்த்தார் இயக்குனர் அருண்குமார். அப்புறம் எங்களை வைத்தே மூன்று நாட்கள் ஒத்திகை பார்த்தார். அதன் பின்னர் நேற்று காலை அந்த காட்சியை படமாக்கி முடித்தார். அவரைப் பற்றி ஒன்று சொல்லவேண்டுமென்றால் ‘கலைத்தாயின் இளைய மகன் அய்யா நீர். தயாரிப்பாளருக்கு வாழ்த்துகள்’ எனக் கூறியுள்ளார்.
