நேசிப்பாயா படத்தில் அதர்வாவின் தம்பி ஆகாஷ் முரளி மற்றும் அதிதி ஷங்கர் முன்னணி கதாபாத்திரங்களில் நடித்துள்ளனர். இப்படத்தை இயக்கியவர் பில்லா இயக்குநர் விஷ்ணுவர்தன். நேற்று இந்த படத்தின் டிரெய்லர் வெளியீட்டு விழா நடந்தது, இதில் சிவகார்த்திகேயன், விஜய் ஆண்டனி உள்ளிட்ட பல பிரபலங்கள் கலந்து கொண்டனர்.
விழாவில் பேசும் போது, சிவகார்த்திகேயன், இசையமைப்பாளர் யுவன் சங்கர் ராஜாவை பற்றி புகழ்ந்து பேசினார். “யுவன் சாரின் கேரியரில் எல்லா படங்களிலும் ஒரே மாதிரியான தரத்துடன் இசை அமைத்தார். அவர் அந்த தரத்தை தாண்டி, பியாண்டு டைம் என்ற நிலைக்கு உயர்ந்திருக்கிறார். ஒருநாள் இரவு காரில் சென்றுகொண்டிருந்தபோது, அவரின் பாடல்களை கேட்டு உணர்ச்சி மிகுந்து, உடனே அவருக்கு போன் செய்து, நா. முத்துகுமார் சார் மற்றும் அவரின் கூட்டணி மிகவும் மிஸ் செய்கிறேன் என தெரிவித்தேன் என்றார்.
மேலும், சிவகார்த்திகேயன் தனது பள்ளி மற்றும் கல்லூரி காலங்களில் யுவன் பாடல்களை கேட்டு வந்த அனுபவங்களை பகிர்ந்து கொண்டார். “அவரின் பாடல்களை கேட்கும்போது, என் கல்லூரி நாட்கள் உடனே நினைவுக்கு வரும்”, யுவன் சங்கர் ராஜா, சிவகார்த்திகேயனின் கேடி பில்லா கில்லாடி ரங்கா படத்திற்கும் இசையமைத்தவர் என்பது குறிப்பிடத்தக்கது.
