விஷால் மற்றும் சந்தானம் நடித்துள்ள ‘மதகஜராஜா’ திரைப்படத்தை சுந்தர் சி இயக்கியுள்ளார். இதில் வரலட்சுமி சரத்குமார் மற்றும் அஞ்சலி முக்கிய கதாபாத்திரங்களில் நடித்துள்ளனர். விஜய் ஆண்டனி இசையமைத்த இப்படத்தை ஜெமினி பிலிம் சர்க்யூட் நிறுவனம் தயாரித்துள்ளது. மேலும், மயில்சாமி, மணிவண்ணன், மனோபாலா, சிட்டி பாபு ஆகியோர் முக்கிய கதாபாத்திரங்களில் நடித்துள்ளனர். இப்படம் பெரிய எதிர்பார்ப்புடன் நேற்று திரையரங்குகளில் வெளியானது.
திரைப்படம் ரசிகர்களிடையே நல்ல வரவேற்பைப் பெற்றுள்ளது. நீண்ட காலத்திற்குப் பிறகு வெளியானாலும், எதிர்பார்ப்பிற்கு அதிகமான தரத்தை அளித்துள்ளது. குறிப்பாக, சந்தானத்தின் நகைச்சுவைக் காட்சிகள் பெரிய வரவேற்பைப் பெற்றுள்ளன. இதனை முன்னிட்டு, இயக்குநர் சுந்தர் சி, சந்தானத்தை மீண்டும் காமெடி கதாபாத்திரத்தில் நடிக்குமாறு கேட்டுக்கொண்டுள்ளார்.
சமீபத்திய செய்தியாளர் சந்திப்பில் சுந்தர் சி பேசியதாவது, “13 ஆண்டுகளாக இந்த நாளுக்காக தான் காத்திருந்தோம். அனைவரும் இப்படத்தை சிரித்து ரசிக்கும்போது, இதை விட சிறந்த பொங்கல் பரிசு எதுவும் இல்லை. குறைந்தது 15 நிமிடங்களாவது இதுபோல மனம் திறந்து சிரிக்க வைக்கும் என்று நம்புகிறேன்.சந்தானத்தை நான் எவ்வளவு மிஸ் பண்றேன் என்பதை ‘மதகஜராஜா’ பார்த்தால் தெரியும். அவர் இப்போது பெரிய ஹீரோவாகிவிட்டார். எனக்கு அவரை ரொம்பவே மிஸ் பண்ணுகிறேன். நான் அவரிடம் ஒரு வேண்டுகோள் வைக்கிறேன். அவர் மீண்டும் காமெடி கதாபாத்திரத்தில் நடிக்க வேண்டும். மிஸ் யூ சந்தானம்!” என அவர் உணர்ச்சிபூர்வமாக கூறினார்
