ஆதிக் ரவிச்சந்திரன் இயக்கத்தில் அஜித், திரிஷா, பிரசன்னா உள்ளிட்டோர் நடித்துள்ள “குட் பேட் அக்லி” படத்தின் டீசர் வெளியானது. இதை 30 மில்லியனுக்கும் அதிகமானோர் பார்த்து ரசித்துள்ளனர். பல்வேறு தோற்றங்களில் அஜித் தோன்றி, ரசிகர்களை ஆச்சரியப்படுத்தியிருக்கிறார்
இந்தப் படத்திற்காக, “எதிரும் புதிரும்” படத்தில் ராஜூ சுந்தரம்-சிம்ரன் நடனமாடிய “தொட்டு தொட்டு பேசும் சுல்தானா” என்ற வித்யாசாகரின் பாடலை ஜி.வி. பிரகாஷ் குமார் ரீமிக்ஸ் செய்துள்ளார். இதற்கு முன்பு, ஆதிக் ரவிச்சந்திரன் இயக்கிய “மார்க் ஆண்டனி” படத்தில் “பஞ்சுமிட்டாய் சேலை கட்டி” என்ற பாடலை ரீமிக்ஸ் செய்து, அதை ஆக்ஷன் காட்சியில் இணைத்திருந்தார். அதேபோல், “குட் பேட் அக்லி” படத்திலும் “தொட்டு தொட்டு பேசும் சுல்தானா” பாடல் ஆக்ஷன் காட்சியில் இடம்பெறுவதாக கூறப்படுகிறது.
இந்தப் படத்தில் முக்கிய வில்லன் வேடத்தில் அர்ஜுன் தாஸ் நடித்துள்ளார். அவருக்கு ஜோடியாக பிரியா பிரகாஷ் வாரியர் நடிக்க, இவர்களுக்கிடையிலான ஒரு பாடல் காட்சிக்காகவே “தொட்டு தொட்டு பேசும் சுல்தானா” பாடல் ரீமிக்ஸ் செய்யப்பட்டது என்றும் தகவல்கள் வெளியாகியுள்ளன.
