இயக்குநர் மற்றும் நடிகர் சுந்தர்.சி இயக்கி, முக்கிய கதாபாத்திரத்தில் நடித்துள்ள திரைப்படம் கேங்கர்ஸ். இதில், அவருடன் வடிவேலு மற்றும் கேத்தரின் தெரசா ஆகியோர் இணைந்து நடித்துள்ளனர். இந்த படத்தின் டிரெய்லர் நேற்று வெளியிடப்பட்டது, மேலும், வடிவேலு – சுந்தர்.சி கூட்டணி ரசிகர்களிடம் நல்ல வரவேற்பைப் பெற்றுள்ளது.
இந்த படத்தின் சிறப்புக் காட்சிகள் கடந்த வாரம் தமிழகத்தின் முக்கிய விநியோகஸ்தர்கள் மற்றும் சில திரையரங்க உரிமையாளர்களுக்காக திரையிடப்பட்டன. படம் பார்த்த அனைவரும் இது மிகப்பெரிய வெற்றி பெறும் என உறுதியாக தெரிவித்துள்ளனர்.
முக்கியமாக, வடிவேலுவின் காமெடி இப்படத்தில் பெரிய அளவில் பேசப்படும் என்றும், அவர் மீண்டும் கோலிவுட்டை கலக்கவுள்ளதாகவும் கூறப்படுகிறது. இதனால், ஓடிடி உரிமை அதிக விலையில் விற்கும் வகையில் ஏற்பாடுகள் நடந்து வருகின்றன. இப்படம் வரும் ஏப்ரல் 24ஆம் தேதி திரையரங்குகளில் வெளியாக உள்ளது.
