விஜய் நடித்துக்கொண்டு இருக்கும் ‘ஜனநாயகன்’ படத்தை ஹெச். வினோத் இயக்கி வருகிறார். இந்தப் படத்தின் படப்பிடிப்பு கடந்த ஆண்டு அக்டோபர் மாதத்தில் தொடங்கப்பட்டது. அதன் பிறகு தொடர்ச்சியாகவே படப்பிடிப்பு நடைபெற்று வரும் சூழலில், மே 15ஆம் தேதிக்குள் இந்தப் படத்தின் அனைத்து கட்டங்களையும் முடித்துவிட வேண்டும் என இயக்குனர் ஹெச். வினோத் திட்டமிட்டுள்ளார்.
இந்நிலையில், இப்படத்தின் கிளைமாக்ஸ் காட்சிகளை விரைவில் படமாக்க தயாராகி வரும் ஹெச். வினோத், அதன் பின்னர் பாடல் காட்சிகளை படமாக்க வெளிநாட்டிற்கு செல்லவும் திட்டமிட்டுள்ளார். ‘ஜனநாயகன்’ திரைப்படம் அடுத்த ஆண்டு பொங்கலுக்கு வெளியாவதாக திட்டமிடப்பட்டுள்ளது.
மேலும், இந்தப் படத்தில் தனது நடிப்புப் பணியை முடித்த பின்னர், ஜூன் மாதத்திற்குப் பிறகு விஜய் முழுநேர அரசியலில் ஈடுபட இருக்கிறார். இதற்காக, அவர் தமிழகம் முழுவதும் சுற்றுப்பயணம் செய்து மக்களை நேரில் சந்திக்கவும் திட்டமிட்டுள்ளார்.
