தெலுங்கு சினிமாவின் முன்னணி இயக்குனர் எஸ்.எஸ். ராஜமவுலி, தனது ‘ஆர்.ஆர்.ஆர்’ திரைப்படத்தின் மாபெரும் வெற்றியை தொடர்ந்து, நடிகர் மகேஷ் பாபுவை மையமாக வைத்து ‘எஸ்எஸ்எம்பி 29’ எனும் புதிய படத்தை இயக்கவுள்ளார்.
இந்த படத்தில் நடிக்க, மகேஷ் பாபு தனது தோற்றத்தை மாற்xறி அமைத்துள்ளார். இப்படம் ஆக்சன் மற்றும் அட்வென்ச்சர் ஜானரில் உருவாகிறது. உலகம் முழுவதும் பல்வேறு இடங்களை மையமாகக் கொண்டு இப்படத்தின் கதை அமைக்கப்பட்டுள்ளதாக ராஜமவுலி தெரிவித்துள்ளார். மேலும், இப்படத்தின் ஸ்கிரிப்ட் எழுதி முடிக்கப்பட்டு, படப்பிடிப்பு ஏப்ரல் மாதம் தொடங்கும் என கூறியுள்ளார்.
இதற்கிடையில், இப்படத்தை முடித்த பிறகு ராஜமவுலி தனது நீண்டகால கனவான ‘மகாபாரதம்’ திரைப்படத்தை இயக்க உள்ளார். இதை முன்பே அவர் தனது நீண்ட நாள் கனவு திரைப்படம் என அறிவித்திருந்தார்.”10 வருடங்களாக நான் இந்த கனவோடு வாழ்ந்து வருகிறேன். ஒருநாள் மகாபாரதத்தை இயக்குவேன்” என்று ராஜமவுலி கூறியது குறிப்பிடத்தக்கது.
