‘சுப்ரமணியபுரம்’ திரைப்படத்தின் மூலம் இயக்குநராக அறிமுகமானவர் சசிகுமார். ‘ஈசன்’ படத்தை இயக்கிய அவர், அதன் பின்னர் நடிப்பில் அதிக கவனம் செலுத்தினார். அவருடைய நடிப்பில் சமீபத்தில் வெளியான ‘அயோத்தி’, ‘கருடன்’, ‘நந்தன்’ போன்ற திரைப்படங்கள் வெற்றிபெற்று ரசிகர்களிடையே நல்ல வரவேற்பைப் பெற்றன.
இதனைத் தொடர்ந்து, தற்போது சசிகுமார் ‘டூரிஸ்ட் பேமிலி’ என்ற திரைப்படத்தில் நடித்துள்ளார். இந்த படத்தை ‘குட் நைட்’ திரைப்படத்தை தயாரித்த மில்லியன் டாலர் ஸ்டுடியோஸ் நிறுவனம் தயாரிக்கிறது. அபிஷன் ஜீவிந்த் இயக்கும் இந்தப் படத்தில், சசிகுமாருடன் நடிகை சிம்ரன் முக்கிய கதாபாத்திரத்தில் நடிக்கிறார். இப்படத்திற்காக இசையமைப்பாளராக ஷான் ரோல்டன் பணியாற்றுகிறார். சமீபத்தில், இப்படத்தின் டீசர் மற்றும் பர்ஸ்ட் லுக் போஸ்டர் வெளியிடப்பட்டு சமூக வலைதளங்களில் வைரலானது. குறிப்பாக, டீசரில் சசிகுமார் மற்றும் சிம்ரன் பேசும் இலங்கை தமிழ் பேசும் காட்சிகள், ரசிகர்களை அதிகமாக ஈர்த்தன.

இந்நிலையில், ‘டூரிஸ்ட் பேமிலி’ படத்தின் முதல் பாடல் குறித்த அறிவிப்பு வெளியாகியுள்ளது. அதன் படி, நாளை மாலை 5 மணியளவில் ‘முகை மழை’ என்ற பாடல் வெளியிடப்பட உள்ளது. இதனைத் தொடர்பாக, படத்தின் தயாரிப்பு நிறுவனம் அதிகாரப்பூர்வ அறிவிப்பை வெளியிட்டுள்ளது.