ஜெயம்ரவி மற்றும் நித்யா மேனன் நடிப்பில் உருவாகியுள்ள “காதலிக்க நேரமில்லை” திரைப்படம் இன்னும் சில தினங்களில் திரையரங்குகளில் வெளிவரவிருக்கிறது. இந்த படத்தை இயக்குநர் கிருத்திகா உதயநிதி இயக்கியுள்ளார், மேலும் ரெட் ஜெயண்ட் நிறுவனம் தயாரித்துள்ளது. படம் வெளியாகும் நேரத்தை முன்னிட்டு, ஜெயம்ரவி, நித்யா மேனன் மற்றும் கிருத்திகா உள்ளிட்டோர் தீவிரமாக விளம்பர பணிகளில் ஈடுபட்டுள்ளனர்.
இந்த நிலையில்தான் ஜெயம்ரவி தனது அடுத்த படமாக “டாடா” இயக்குநர் கணேஷ் கே பாபுவுடன் இணைந்திருப்பதை உற்சாகத்துடன் கூறினார். இதற்கிடையில், அவரின் “ஜெனி” திரைப்படமும் வெளியீட்டுக்கு தயாராக உள்ளதாகத் தெரிவித்துள்ள அவர், “டாடா” பட இயக்குனரின் கதை அரசியல் பின்னணியில் மிகவும் மாஸ் ஆக உருவாகி வருவதாக கூறியுள்ளார்.
அவருடன் இணைந்து நடிக்க தானும் ஆர்வமாக இருந்ததுடன், தன்னை இயக்கவும் இயக்குநர் மிகுந்த ஆர்வம் காட்டியதாகவும் ஜெயம்ரவி மகிழ்ச்சியை வெளிப்படுத்தியுள்ளார். இதுபோன்ற மாஸ் கதைக்களத்தில் நடிக்க இதுவரை தனக்கு ஆர்வம் இல்லை என்றும் தற்போது அதுபோன்ற கதையில் பணிபுரிய ஒரு வித ஆசை ஏற்பட்டுள்ளதாகவும் ஜெயம்ரவி குறிப்பிட்டுள்ளார்.
