கவினின் ‘மாஸ்க்’ படத்தின் வெற்றி வீரனே பாடல் வெளியீடு!

அறிமுக இயக்குனர் விக்ரனன் அசோக் இயக்கத்தில் மாஸ்க் திரைப்படத்தில் நடித்துள்ளார் கவின். இப்படத்தில் ஆண்ட்ரியா முக்கிய கதாபாத்திரத்தில் நடித்துள்ளார். மேலும், தெலுங்கு நடிகை ருஹானி ஷர்மா, சார்லி, பாலா சரவணன், விஜே அர்ச்சனா, சந்தோக் உள்ளிட்ட பலர் முக்கிய கதாபாத்திரங்களில் நடித்துள்ளனர்.

இத்திரைப்படத்துக்கு ஜி.வி.பிரகாஷ் இசையமைத்துள்ளார். இப்படம் வரும் 21ஆம் தேதி வெளியாகிறது. சமீபத்தில் இசை மற்றும் டிரெய்லர் வெளியீட்டு விழா நடந்தது.

இந்நிலையில், மாஸ்க் படத்தின் நான்காவது பாடல் தற்போது வெளியாகியுள்ளது. வெற்றி வீரனே எனத் தொடங்கும் இந்தப் பாடலை அந்தோணி தாசன் மற்றும் வாஹீசன் ராசையா இணைந்து பாடியுள்ளனர். இந்த பாடல் தற்போது ரசிகர்களின் கவனம் ஈர்த்து வருகிறது.