கவனத்தை ஈர்க்கும் ‘மதராஸி’ படத்தின் ‘தங்கபூவே’ பாடல் !

இயக்குனர் ஏ.ஆர். முருகதாஸ் இயக்கத்தில் சிவகார்த்திகேயன் ‘மதராஸி’ திரைப்படத்தில் நடித்துள்ளார். இந்த படத்தில் ருக்மினி வசந்த், விக்ராந்த், வித்யூத் ஜம்வால், பிஜு மேனன், டான்சிங் ரோஸ் சபீர் ஆகியோர் முக்கிய கதாபாத்திரங்களில் நடித்துள்ளனர்.

 ஸ்ரீ லட்சுமி மூவிஸ் நிறுவனம் தயாரிக்கும் இப்படத்திற்கு அனிருத் இசை அமைத்துள்ளார். இப்படம் வருகிற செப்டம்பர் 5ம் தேதி திரையரங்குகளில் வெளியாக உள்ளது. ‘மதராஸி’ படம் வெளியாக இன்னும் சில நாட்களே உள்ள நிலையில், சமீபத்தில் டிரெய்லர் வெளியாகி வைரலானது.

‘மதராஸி’ திரைப்படத்திற்கு சென்சார் போர்டு யு/ஏ சான்றிதழ் வழங்கியுள்ளது. சிவகார்த்திகேயன் மற்றும் ருக்மிணி கோயம்பத்தூர், கொச்சி, ஐதராபாத் என பல இடங்களில் புரோமோஷன் செய்து வருகின்றனர். இந்நிலையில் , ‘மதராஸி’ படத்தின் ‘தங்கபூவே’ பாடல் வெளியாகியுள்ளது.