நடிகர் அஜித் குமார் மற்றும் இயக்குநர் மகிழ் திருமேனி கூட்டணியில் உருவாகியுள்ள திரைப்படம் “விடாமுயற்சி” பெரும் எதிர்பார்ப்பில் உள்ளது. இந்தப் படத்தில் அஜித் குமாருடன் ஆரவ், அர்ஜுன், திரிஷா, ரெஜினா கசான்ட்ரா, நிகில் நாயர் மற்றும் பலர் முக்கிய கதாபாத்திரங்களில் நடித்துள்ளனர். அனிருத் இப்படத்திற்கு இசையமைத்துள்ளார். ஒளிப்பதிவைப் பொறுப்பேற்றவர் ஓம் பிரகாஷ், மேலும் படத்தொகுப்பு பணிகளை என்.பி. ஸ்ரீகாந்த் மேற்கொண்டுள்ளார்.
லைகா நிறுவனம் தயாரித்துள்ள இந்தப் படம் பிப்ரவரி 6ஆம் தேதி திரைக்கு வரவுள்ளது. சமீபத்தில் வெளியான விடாமுயற்சி படத்தின் டிரெய்லர் மக்களிடையே நல்ல வரவேற்பைப் பெற்றது. ஆக்ஷன் காட்சிகளும், ஒளிப்பதிவின் தரமும், டிரெய்லரின் சிறப்புமிக்க மேம்பாட்டும் அனைவரையும் கவர்ந்துள்ளது.
இப்படத்தின் முதல் பாடலான சவதீகா வெளியானதும் மிகுந்த வரவேற்பைப் பெற்றது. இதைத் தொடர்ந்து, படத்தின் இரண்டாவது பாடல் பத்திக்கிச்சி தற்போது வெளியிடப்பட்டுள்ளது. விஷ்ணு எடாவன் எழுதிய இந்தப் பாடலை அனிருத் மற்றும் யோகி சேகர் இணைந்து பாடியுள்ளனர். இந்தப் பாடல் இணையத்தில் ரசிகர்களால் ஆரவாரத்துடன் கொண்டாடப்பட்டு வருகிறது.
