‘பிரதர்’ படத்தை தொடர்ந்து ஜெயம்ரவி நடிப்பில் வெளியாகும் அடுத்த படம் ‘காதலிக்க நேரமில்லை’. இதில் நித்யா மேனன், யோகி பாபு, லால், வினய், மற்றும் லட்சுமி கிருஷ்ணன் ஆகியோர் முக்கிய கதாபாத்திரங்களில் நடித்துள்ளனர். “வணக்கம் சென்னை” படத்தின் மூலம் கவனம் ஈர்த்த கிருத்திகா உதயநிதி இந்த படத்தை இயக்கியுள்ளார்.
ரெட் ஜெயண்ட் மூவிஸ் நிறுவனம் தயாரித்துள்ள இப்படத்திற்கு ஏ.ஆர். ரகுமான் இசையமைத்துள்ளார். ரொமான்டிக் காதல் கதையை மையமாகக் கொண்டு உருவாகியுள்ள இந்தப் படம், இசை மற்றும் காட்சிப்பதிவில் ரசிகர்களுக்கு ஒரு நல்ல அனுபவத்தை வழங்கும் விதமாக உருவாக்கப்பட்டுள்ளது.
இந்தப் படத்தின் முதல் பாடலாக “என்னை இழுக்குதடி” கடந்த மாதம் 22ஆம் தேதி வெளியானது. விவேக் எழுதிய இந்த பாடலை ஏ.ஆர். ரகுமான் மற்றும் தீ இணைந்து பாடியுள்ளனர். இரண்டாவது பாடலாக ‘லாவெண்டர் நேரமே’, அலெக்ஸாண்ட்ரா ஜாய் மற்றும் ஆதித்யா இணைந்து பாடிய பாடல் ரசிகர்களிடையே நல்ல வரவேற்பைப் பெற்றது.சமீபத்தில், படக்குழு ‘பிரேக் அப் டா’ எனும் மூன்றாவது பாடலை வெளியிட்டது. இந்த பாடலை சிநேகன் எழுதியுள்ளார். இசையமைப்பாளர் ஏ.ஆர். ரகுமானின் நடிப்பில், சுருதி ஹாசன் மற்றும் ஆதித்யா ஆர்கே இணைந்து பாடிய இந்த பாடல், படத்தின் இசை விலகா அங்கமாக அமைந்துள்ளது.
