ரசிகர்களுக்கு செம்ம டிரீம் கொடுத்த புஷ்பா 2 படக்குழு! #Pushpa 2

சுகுமார் இயக்கத்தில் அல்லு அர்ஜுன் நடிப்பில் 2021-ஆம் ஆண்டு வெளியான படமானது புஷ்பா. இப்படத்தில் உள்ள “ஊ சொல்றியா மாமா” என்ற பாடலுக்காக சமந்தா ஆடிய நடனம் பட்டி தொட்டி எங்கும் பிரபலமானது.

இதன் தொடர்ச்சியாக, புஷ்பா படத்தின் இரண்டாவது பாகம் “புஷ்பா 2: தி ரூல்” என்ற பெயரில் உருவாகி வருகிறது. இப்படத்தில் அல்லு அர்ஜுனுடன் ராஷ்மிகா மந்தனா, பகத் பாசில் உள்ளிட்ட பலர் முக்கிய வேடங்களில் நடித்துள்ளனர். இப்படத்திற்கு இசையமைப்பாளராக தேவி ஸ்ரீ பிரசாத் பணியாற்றியுள்ளார். இதன் சில பாடல்கள் வெளியிடப்பட்டு, மக்கள் மத்தியில் நல்ல வரவேற்பை பெற்றுள்ளன.

புஷ்பா 2 திரைப்படம் வரும் டிசம்பர் 5ஆம் தேதி திரையரங்குகளில் வெளியாகும் என்று எதிர்பார்க்கப்படுகிறது. இதனை முன்னிட்டு, படத்தின் டிரெய்லர் விரைவில் வெளியாகும் என்று படக்குழுவினர் அறிவித்துள்ளனர்.