‘பரிதாபங்கள்’ யூடியூப் சேனல் மூலம் பல்வேறு வாழ்க்கை மற்றும் சமூக நிகழ்வுகளை நகைச்சுவைமிகுந்த வீடியோக்கள் மூலம் வெளியிட்டு, மக்களிடம் பெரும் வரவேற்பைப் பெற்று பிரபலமானவர்கள் கோபி மற்றும் சுதாகர்.
இந்நிலையில் கோபி மற்றும் சுதாகர் இருவரும் ‘பரிதாபங்கள் புரொடக்ஷன்’ என்ற பெயரில் ‘ஓ காட் பியூட்டிபுல்’ எனும் திரைப்படத்தை தயாரித்து அதில் அவர்களே நடித்து உள்ளனர். இப்படத்தை அறிமுக இயக்குநர் விஷ்ணு விஜயன் இயக்கியுள்ளார். இதில் விடிவி கணேஷ், ரமேஷ் கண்ணா, சுரேஷ் சக்ரவர்த்தி, விஜி சந்திரசேகர், சுபத்ரா ராபர்ட், முருகானந்தம் மற்றும் பலர் நடித்துள்ளனர்.
‘ஓ காட் பியூட்டிபுல்’ படத்தின் முதல் பாடல் தற்போது வெளியிடப்பட்டுள்ளது. இதில் நடிகர் சிவகார்த்திகேயன் பாடியுள்ள ‘வேணும் மச்சா பீஸ்’ என்ற பாடல் வெளியாகியுள்ளது. இந்தப் பாடலை விக்னேஷ் ராமகிருஷ்ணா எழுதியுள்ளார். தற்போது இந்த பாடல் ரசிகர்களிடம் வரவேற்பைப் பெற்று இணையத்தில் வைரலாகி வருகிறது.
