ஒருபக்கம் இயக்கம் மற்றொரு பக்கம் நடிப்பு என அசத்தும் ஆர்.ஜே.பாலாஜி… வெளியான ‘சொர்கவாசல்’ ஃபர்ஸ்ட் லுக் போஸ்டர்!

நடிப்பு, இயக்கம் இரண்டிலும் பிஸியாக உள்ள ஆர்.ஜே. பாலாஜி, சூர்யாவின் 45-வது படத்தை இயக்க உள்ளதாக அறிவிக்கப்பட்டுள்ளது. இதற்கிடையில், ஆர்.ஜே. பாலாஜி ஹீரோவாக நடிக்க உள்ள புதிய படத்தின் ஃபர்ஸ்ட் லுக் போஸ்டரை இயக்குனர் பா. ரஞ்சித் சமீபத்தில் வெளியிட்டார்.

ரஞ்சித்தின் உதவி இயக்குநராக பணியாற்றிய சித்தார்த் விஸ்வநாத் இந்தப் படத்தை இயக்கியுள்ளார். இப்படத்திற்கு “சொர்கவாசல்” எனப் பெயரிடப்பட்டுள்ளது. ஸ்வீப் ரைட் ஸ்டூடியோஸ் இந்தப் படத்தை தயாரித்துள்ளது. இதன் கதையை இயக்குநருடன் இணைந்து தமிழ்ப் பிரபா மற்றும் அஸ்வின் ரவிச்சந்திரன் எழுதியுள்ளனர்.

முந்தைய படமான “சிங்கப்பூர் சலூன்” ஆர்.ஜே. பாலாஜி இயக்கி நடித்தது, கலவையான விமர்சனங்களைப் பெற்றது. “சொர்கவாசல்” திரைப்படம் பாலாஜிக்கு பெரிய வெற்றியைத் தருமா என்பதைக் காத்திருந்து காண வேண்டும்.