மகிழ் திருமேனி இயக்கத்தில் அஜித் நடித்துள்ள விடாமுயற்சி திரைப்படம் பல தடைகளை தாண்டி இந்த மாதம் வெளியாகும் என எதிர்பார்க்கப்படுகிறது. இப்படத்தில் அர்ஜுன் , ஆரவ், திரிஷா, கசான்ட்ரா, நிகில் நாயர் மற்றும் பலர் நடித்துள்ள இந்த திரைப்படத்திற்கு அனிருத் இசையமைத்துள்ளார். ஒளிப்பதிவு பணிகளை ஓம் பிரகாஷ் மேற்கொண்டுள்ளார், மேலும் படத்தொகுப்பு பணிகளை என்.பி. ஸ்ரீகாந்த் செய்துள்ளார். லைகா நிறுவனம் இந்த படத்தை தயாரித்துள்ளது.
இந்த படம் பொங்கல் திருநாளில் வெளியாகும் என எதிர்பார்க்கப்பட்ட நிலையில், சில தவிர்க்க முடியாத காரணங்களால் படம் வெளியிட முடியவில்லை என்று தயாரிப்பு நிறுவனம் அறிவித்தது. இதனால் ரசிகர்கள் பெரும் ஏமாற்றம் அடைந்தனர்.
‘விடா முயற்சி’ திரைப்படம் வருகிற 23-ந்தேதி வெளியாகும் என தகவல் வெளியாகியுள்ளது. இதற்கான அதிகாரப்பூர்வ அறிவிப்பு விரைவில் வெளியாகும் என்று தெரிவிக்கப்பட்டுள்ளது. மேலும், படம் ஜனவரி மாதம் இறுதிக்குள் வெளியாகும் என எதிர்பார்க்கப்படுகிறது.இதற்கிடையில், ‘விடா முயற்சி’ படத்தின் டிரெய்லர் வெளியாகும் தேதி பற்றிய அறிவிப்பை படக்குழு வெளியிட்டுள்ளது. அதன் படி, இப்படத்தின் டிரெய்லர் இன்று மாலை 6.40க்கு வெளியாக உள்ளது. இதனால் ரசிகர்கள் பெரும் உற்சாகத்தில் உள்ளனர்.
