தமிழில் சேதுபதி, சித்தா போன்ற படங்களை இயக்கிய பிரபல இயக்குனர் அருண்குமார் இயக்கத்தில், நடிகர் விக்ரம் தனது 62வது படமான வீர தீர சூரன் 2 படத்தில் நடித்துள்ளார். இப்படத்தில் எஸ்.ஜே.சூர்யா முக்கிய கதாபாத்திரத்தில் நடித்துள்ளார். மேலும், சுராஜ் வெஞ்சராமுடு, துஷாரா விஜயன், சித்திக் ஆகியோர் முக்கிய கதாபாத்திரங்களில் நடித்துள்ளனர். இந்த படத்தை H.R. பிக்சர்ஸ் சார்பில் ரியா ஷிபு தயாரித்துள்ளார். இசையமைப்பை ஜி.வி. பிரகாஷ் ஹந்திக்கியுள்ளார்.
படக்குழு, இப்படம் இரண்டு பாகங்களாக உருவாக இருப்பதை உறுதி செய்துள்ளது. இதில், முதலில் இரண்டாம் பாகம் வெளியாகும், அதன் பிறகு முதல் பாகம் உருவாகும் என அவர்கள் அறிவித்துள்ளனர்.இந்த திரைப்படத்தில், நடிகர் விக்ரம் கிராமிய தோற்றத்துடன் “காளி” என்ற கேங்ஸ்டர் கதாபாத்திரத்தில் நடித்துள்ளார். எஸ்.ஜே. சூர்யா ஒரு காவல் அதிகாரியாக நடிக்கிறார்.
படத்தின் இரண்டாம் கட்ட படப்பிடிப்பு தென்காசி, மதுரை போன்ற பகுதிகளில் நடைபெற்றது. படப்பிடிப்பு பணிகள் முழுமையாக நிறைவடைந்த நிலையில், சமீபத்தில் படத்தின் வெளியீட்டு தேதி அறிவிக்கப்பட்டது. அதன்படி, இப்படம் வருகிற மார்ச் 27ஆம் தேதி திரையரங்குகளில் வெளியாக உள்ளது.இந்த சூழலில், இயக்குனர் அருண்குமாரின் பிறந்த நாளை முன்னிட்டு, வீர தீர சூரன் 2 படத்தின் படப்பிடிப்பு வீடியோவை படக்குழு வெளியிட்டுள்ளது.
