நடிகர் சூர்யாவின் 44-வது திரைப்படமான ‘ரெட்ரோ’ படத்தை இயக்குனர் கார்த்திக் சுப்பராஜ் இயக்கியுள்ளார். சூர்யாவின் 2டி எண்டர்டெயின்மென்ட் மற்றும் கார்த்திக் சுப்பராஜின் ஸ்டோன் பென்ச் நிறுவனம் இணைந்து தயாரிக்கும் இப்படத்திற்கு இசையமைப்பாளர் சந்தோஷ் நாராயணன் இசையமைத்துள்ளார்.
பூஜா ஹெக்டே கதாநாயகியாக நடித்திருக்கும் இப்படத்தில், ஜெயராம், கருணாகரன், ஜோஜு ஜார்ஜ் மற்றும் சுஜித் ஷங்கர் ஆகியோர் முக்கிய கதாபாத்திரங்களில் நடித்துள்ளனர். இந்த திரைப்படம் வருகிற மே 1-ந் தேதி தொழிலாளர் தினத்தன்று வெளியிட திட்டமிடப்பட்டுள்ளது.
ஏற்கனவே, இப்படத்தின் படப்பிடிப்பு காட்சிகள் காமிக்ஸ் வடிவில் வெளியானது. மேலும், படக்குழு வாரத்திற்கு ஒரு படப்பிடிப்பு காட்சியை வெளியிடும் என அறிவித்திருந்தது. அதன் தொடர்ச்சியாக, தற்போது எபிசோட் இரண்டாவது படப்பிடிப்பு காட்சிகளும் காமிக்ஸ் வடிவில் வெளியாகியுள்ளது.
