சூர்யா நடிப்பில் அடுத்ததாக வெளியாகவுள்ள திரைப்படம் ரெட்ரோ. இந்தப் படத்தை கார்த்திக் சுப்பராஜ் இயக்கியுள்ளார். இத்திரைப்படத்தை தொடர்ந்து ஆர்.ஜே. பாலாஜியின் இயக்கத்தில் சூர்யா தனது 45வது படத்தில் நடித்து வருகிறார்.
இந்த படத்தில் நாயகியாக திரிஷா நடிக்கிறார். அவருடன் சுவாசிகா, சிவதா, யோகி பாபு மற்றும் நட்டி நட்ராஜ் ஆகியோர் முக்கியமான கதாபாத்திரங்களில் நடித்துவருகின்றனர். இத்திரைப்படத்தை டிரீம் வாரியர் பிக்சர்ஸ் நிறுவனம் தயாரித்து வருகிறது.
படப்பிடிப்பு பொள்ளாச்சி, சென்னை உள்ளிட்ட பல இடங்களில் நடைபெற்று வருகிறது. தற்போது வரை இந்த படத்தின் 70 சதவீத படப்பிடிப்பு முடிந்துவிட்டதாக தகவல்கள் தெரிவிக்கின்றன. கடந்த சில நாட்களாக, இப்படத்திற்காக ஈ.சி.ஆர் பகுதியில் ஒரு பிரமாண்டமான செட் அமைத்து , அதில் 500 நடனக் கலைஞர்களுடன் சூர்யா மற்றும் திரிஷா இணைந்து ஒரு பாடல் காட்சிக்காக நடனமாடியுள்ளனர் என்றும் இதை ஷோபி மாஸ்டர் இயக்கியுள்ளார் என்ற தகவல்கள் வெளியாகியுள்ளன.
