பிக் பாஸ் சீசன் 3ல் போட்டியாளராக பங்கேற்ற நடிகை சாக்ஷி அகர்வால், தனது பெயரை பயன்படுத்தி பணமோசடி நடக்கிறது என்று இன்ஸ்டாகிராம் பக்கத்தில் எச்சரிக்கை விடுத்துள்ளார். இவர் தனது இன்ஸ்டாகிராமில் அதிகமாக கவர்ச்சியான புகைப்படங்களை பகிர்ந்து வருகிறார், இதன் மூலம் சுமார் 2.1 மில்லியன் பாலோவர்களை பெற்றுள்ளார்.
இந்நிலையில், சாக்ஷி அகர்வால் தனது பெயரை பயன்படுத்தி சிலர் பண மோசடியில் ஈடுபட்டு வருவதாகத் தெரிவித்து, அனைவரும் எச்சரிக்கையாக இருக்க வேண்டும் என குறிப்பிட்டுள்ளார். சாக்ஷி, ராஜா ராணி, காலா, விஸ்வாசம், டெடி, சிண்ட்ரெல்லா போன்ற படங்களில் சிறிய கதாபாத்திரங்களில் நடித்துள்ளார். மேலும், “நான் கடவுள் இல்லை,” “பஹீரா” மற்றும் “அரண்மனை 3” போன்ற படங்களில் முக்கியமான கதாபாத்திரங்களில் நடித்துள்ளார்.
பட வாய்ப்புகளை சரியாக பயன்படுத்தி வரும் சாக்ஷி அகர்வாலுக்கு, பிக் பாஸ் பிரபலங்களுக்கு மாதிரியே பெரிதாக சினிமா வாய்ப்புகள் கிடைக்கவில்லை. தனது இன்ஸ்டாகிராம் பக்கத்தில் அவர், “என்னுடைய பெயரில் சிலர் ஆல்டர்நேட் நம்பர் சொல்லி பணமோசடியில் ஈடுபட்டு வருகின்றனர். அந்த நம்பரில் இருந்து யாராவது அழைத்து, என் பெயரை பயன்படுத்தினால் அதில் ஏமாந்து விடாதீர்கள். எனது நெருங்கிய நண்பர்களுக்கு என் சொந்த நம்பர் தெரியும். பிசினஸ் விஷயமாக தொடர்பு கொள்ள வேண்டுமென்றால், என்னுடைய இமெயில் ஐடியை பயன்படுத்தவும்,” எனத் தெரிவித்துள்ளார்.
