தமிழ் திரையுலகின் முன்னணி நடிகர்களில் ஒருவர் சிலம்பரசன்.நடிகர் கமல்ஹாசன் மற்றும் இயக்குநர் மணி ரத்னம் கூட்டணியில் உருவான தக் லைஃப் என்ற படத்தில் சிலம்பரசன் முக்கிய கதாபாத்திரத்தில் நடித்துள்ளார்.
இதற்கு மேலாக, சில படங்களில் நடிக்க அவர் ஒப்பந்தம் செய்யப்பட்டுள்ளார். இந்த சூழலில், நடிகர் சிலம்பரசன் வருகிற 3-ஆம் தேதி தனது பிறந்தநாளை கொண்டாட உள்ளார். இதற்கிடையில், சிலம்பரசனின் பிறந்தநாளை முன்னிட்டு, அவர் நடிப்பில் வெளியான மாபெரும் வெற்றிப் பெற்ற “மன்மதன்” திரைப்படம் மீண்டும் திரையரங்குகளில் வெளியிடப்பட இருப்பதாக தகவல் வெளியாகியுள்ளது.
2004-ஆம் ஆண்டு வெளியான “மன்மதன்” திரைப்படத்திற்கு யுவன் சங்கர் ராஜா இசையமைத்திருந்தார். படத்தை எஸ்.கே. கிருஷ்ணகாந்த் தயாரித்திருந்தார். இதில், ஆர்.டி. ராஜசேகர் ஒளிப்பதிவு செய்துள்ளார் மற்றும் அந்தோனி படத்தொகுப்பு பணிகளை மேற்கொண்டார். மொத்தம் 21 ஆண்டுகள் கழித்து மன்மதன் படம் மீண்டும் ரீ-ரிலீஸ் செய்யப்பட இருப்பதாக வந்துள்ள செய்தி ரசிகர்களிடம் பெரும் மகிழ்ச்சியை ஏற்படுத்தியுள்ளது.
