இயக்குநர் மணிரத்னம் இயக்கத்தில் நடிகர் கமல்ஹாசனும், சிலம்பரசனும் இணைந்து நடித்துள்ள திரைப்படம் ‘தக் லைஃப்’. இந்த படத்தை மெட்ராஸ் டாக்கீஸ், ராஜ்கமல் பிலிம்ஸ் இன்டர்நேஷனல் மற்றும் ரெட் ஜெயன்ட் மூவிஸ் ஆகிய நிறுவனங்கள் இணைந்து தயாரித்துள்ளன. இப்படத்திற்கு ஏ.ஆர். ரஹ்மான் இசையமைத்துள்ளார். ‘தக் லைஃப்’ திரைப்படம் ஜூன் மாதம் 5ஆம் தேதி திரையரங்குகளில் வெளியாகிறது.
இந்த படத்தின் முதல் பாடலாக ‘ஜிங்குச்சா’ என்ற பாடல் வெளியாகி இந்த ரசிகர்களிடையே பெரும் வரவேற்பை பெற்றுள்ளது. குறிப்பாக, பாடலில் கமல்ஹாசன் மற்றும் சிலம்பரசன் இருவரும் நடனமாடும் காட்சிகள் சிறப்பாக அமைந்துள்ளன. மேலும் படத்தின் ப்ரோமோஷன் பணிகளும் முழுவீச்சில் நடைபெற்று வருகின்றன.’தக் லைஃப்’ திரைப்படத்தின் இசை வெளியீட்டு விழா மே 24ஆம் தேதி சென்னையில் நடைபெறும் என்று படக்குழுவினர் அறிவித்துள்ளனர். அதற்கு முன்பாக மே 17ஆம் தேதி இப்படத்தின் டிரெய்லர் வெளியாகிறது.
சமீபத்தில் நடிகர் கமல்ஹாசன் அளித்த ஒரு பேட்டியில், தற்போதைய தலைமுறையில் பல நடிகர்கள் வளர்ந்து வருகின்றனர், ‘தக் லைஃப்’ படத்தில் சிம்பு என்னோடு நடித்துள்ளார். மேலும் அவர், “சிம்பு படப்பிடிப்புக்கு வரும்போது, அவரிடம் பலரும், நீ ஒரு அற்புதமான லெஜண்டுடன் இணைந்து நடிக்கப் போகிறாய் எனச் சொல்லுவார்கள். அப்போது நான் அவரது அருகில் சென்று, ‘நான் யார் என்பதைப் பற்றி பயப்படாதே எனச் சொன்னேன். அதற்கு சிம்பு, ‘சார் நான் சின்ன பையன் என்று நினைக்கவேண்டாம் உங்கள் வேலையை நீங்களும் சிறப்பாகச் செய்யுங்கள்’ என்று கூறியதாக கலகலப்பாக பகிர்ந்துள்ளார் நடிகர் கமல்ஹாசன்.
