சிவகார்த்திகேயன், சாய் பல்லவி நடிப்பில் ராஜ்குமார் பெரியசாமி இயக்கத்தில் வெளிவந்துள்ள திரைப்படம் ‘அமரன்’. இந்த படத்தை ராஜ் கமல் இன்டர்நேஷனல் நிறுவனம் தயாரித்துள்ளது, மேலும் இசையமைப்பை ஜி.வி. பிரகாஷ் வழங்கியுள்ளார்.
இப்படம் மறைந்த ராணுவ மேஜர் முகுந்த் வரதராஜனின் வாழ்க்கையை மையமாக கொண்டு உருவாக்கப்பட்டுள்ளது. ரஜினிகாந்த், சூர்யா, ஜோதிகா, சிம்பு போன்ற பல திரைப் பிரபலங்கள் படத்தை பாராட்டியுள்ளனர். இதேநேரத்தில், நடிகர் அனிருத்தும் ‘அமரன்’ படத்தை பாராட்டி தனது பதிவை வெளியிட்டுள்ளார்.
அனிருத் வெளியிட்ட பதிவில், “சினிமாவில் சிறப்பாக உருவான ஒரு திரைப்படம் ‘அமரன்’. என் நண்பர் சிவகார்த்திகேயனை நினைத்து பெருமைப்படுகிறேன். அழகான திரைப்படத்தை உருவாக்கிய என் அண்ணன் ராஜ்குமார் பெரியசாமிக்கும் அவரது குழுவிற்கும் என் பாராட்டுகளும், வாழ்த்துகளும். மேலும் கமல்ஹாசன் சார், மகேந்திரன் சார் ஆகியோருக்கும் என் வாழ்த்துகள்” என்று குறிப்பிட்டுள்ளார்.
