டிசம்பர் மாதத்தில் வெளியாகும் கார்த்தியின் ‘வா வாத்தியார்’

இயக்குநர் நலன் குமாரசாமி இயக்கத்தில் கார்த்தி, கிருத்தி ஷெட்டி, சத்யராஜ், ஆனந்த்ராஜ், ராஜ்கிரண், கருணாகரன் உள்ளிட்ட பலர் நடிப்பில் உருவாகியுள்ள படம் ‘வா வாத்தியார்’. எம்.ஜி.ஆர் ரசிகராக கார்த்தி நடித்துள்ள இப்படம் ஒரு பேண்டஸி கதைக்களத்தில் உருவாகியுள்ளது. இதில் கார்த்தி காவல்துறை அதிகாரியான இன்ஸ்பெக்டர் ராமேஸ்வரனாக நடித்துள்ளார். இப்படத்துக்கு சந்தோஷ் நாராயணன் இசையமைத்துள்ளார்.

ஏற்கனவே இப்படத்தின் படப்பிடிப்பு 160 நாட்கள் நடைபெற்றுள்ளதாக கூறப்படுகிறது. இந்நிலையில் இப்படம் இந்த வருடம் டிசம்பர் மாதத்தில் திரைக்கு வரும் என படக்குழு அதிகாரப்பூர்வமாக அறிவித்துள்ளது.

மேலும் இப்படத்தின் ஓடிடி உரிமையை அமேசான் நிறுவனம் கைப்பற்றியுள்ளது எனவும் கூறப்பட்டுள்ளது.