தெலுங்கு திரைப்பட உலகில் முன்னணி நடிகராக இருப்பவர் மகேஷ் பாபு. இவர் தற்போது பிரபல இயக்குனர் எஸ்.எஸ். ராஜமவுலியின் இயக்கத்தில் உருவாகும் “எஸ்.எஸ்.எம்.பி 29” படத்தில் நடித்து வருகிறார்.
இந்த திரைப்படம் ஆக்ஷன் மற்றும் அதிரடித் த்ரில்லர் வகையை சேர்ந்ததாக இருக்கும் என்று ராஜமவுலி அறிவித்துள்ளார். மேலும், இப்படத்தின் கதை உலகம் முழுவதும் பல்வேறு இடங்களில் நடப்பதற்காக வடிவமைக்கப்பட்டுள்ளதாகவும் கூறியுள்ளார். இப்படத்தை இரண்டு பாகங்களாக வெளியிட திட்டமிடப்பட்டுள்ளதாக தகவல்கள் தெரிவிக்கின்றன.
இந்தப் படத்தில் பிரபல பாலிவுட் நடிகை பிரியங்கா சோப்ரா முக்கிய கதாபாத்திரத்தில் நடிக்கிறார். மேலும், மகேஷ் பாபுவின் அப்பா கதாபாத்திரத்தில் பிரபல பாலிவுட் நடிகர் நானா படேகர் நடிக்க உள்ளதாக தகவல் வெளியாகியுள்ளது.இந்நிலையில், மகேஷ் பாபு இந்த படத்தில் கற்பனை செய்யப்பட்ட “ருத்ரா” என்ற கதாபாத்திரத்தில் நடிக்கிறார் என்று தகவல்கள் வெளியாகியுள்ளன.
