நடிகர் சூர்யா தற்போது ஆர்.ஜே. பாலாஜியின் இயக்கத்தில் தனது 45வது படத்தில் நடித்து வருகிறார். அதன் பிறகு வெற்றிமாறன் இயக்கும் ‘வாடிவாசல்’ திரைப்படத்தில் அவர் நடிக்கவுள்ளதாய் அறிவிக்கப்பட்டுள்ளது.
இந்த இடைவேளையில், ‘வாத்தி’ மற்றும் ‘லக்கி பாஸ்கர்’ படங்களை இயக்கிய வெங்கி அட்லூரியின் இயக்கத்தில் சூர்யா ஒரு புதிய படத்தில் நடிக்கவுள்ளார். இந்த திரைப்படத்தை சித்தாரா என்டர்டெயின்மெண்ட் நிறுவனம் தயாரிக்கிறது. இது சூர்யாவின் 46வது திரைப்படமாக இருக்கும்.
முன்னதாக இந்த படத்தில் கதாநாயகியாக மமிதா பைஜூ நடிக்கவுள்ளதாக கூறப்பட்டு வந்தது. மேலும், இந்த படம் இந்தியாவில் முதல் இன்ஜின் உருவான வரலாற்றை அடிப்படையாக கொண்டதாக தகவல் வெளியானது. ஆனால் தற்போது கிடைத்த புதிய தகவலின்படி, இந்த படம் முழுமையாக ஒரு அழகான காதல் கதையை மையமாகக் கொண்டு உருவாகும் என தெரிவிக்கப்பட்டுள்ளது.
