Touring Talkies
100% Cinema

Tuesday, March 11, 2025

Touring Talkies

இயக்குனர் மாரி செல்வராஜ்-ன் உண்மை கதையில் நடிக்கிறாரா கார்த்தி? வெளிவந்த புதிய அப்டேட்!

Share

- Advertisement -
- Advertisement -
- Advertisement -

பிரபல இயக்குனர் ராமின் உதவி இயக்குனராக இருந்தவர் மாரி செல்வராஜ். ‘பரியேறும் பெருமாள்’ படத்தின் மூலம் இயக்குனராக அறிமுகமானார். அதைத் தொடர்ந்து ‘கர்ணன்’ மற்றும் ‘மாமன்னன்’ போன்ற வெற்றிப் படங்களை இயக்கியதால், இவருக்கு ஒரு தனியார் ரசிகர் வட்டம் உருவாகியிருக்கிறது. சமீபத்தில் வெளியாகிய ‘வாழை’ படமும் மக்களிடையே பெரும் வரவேற்பைப் பெற்றது.

தற்போது இவர் துருவ் விக்ரம் நடிக்கும் ‘பைசான்’ படத்தை இயக்கி வருகிறார். இதன் பின்னர் மாரி செல்வராஜின் அடுத்த படத்தை எதிர்பார்த்த ரசிகர்கள், அதுகுறித்த தகவலை அறிந்துள்ளனர். அதாவது, மாரி செல்வராஜ் தனது அடுத்த படத்தை நடிகர் கார்த்தியை வைத்து இயக்கப் போவதாக அறிவிப்பு வெளியாகி உள்ளது. இது மாரி செல்வராஜின் தந்தையின் வாழ்க்கை கதை என ப்ரின்ஸ் பிக்சர்ஸ் தயாரிப்பு நிறுவனத்தின் தயாரிப்பாளர் தெரிவித்துள்ளார்.

இப்படத்தின் மையக் கருத்தை ஏற்கனவே கார்த்தியிடம் பகிர்ந்துள்ளார் என்றும், கார்த்தி அதற்கு சம்மதம் தெரிவித்து இருப்பதால், விரைவில் இப்படம் குறித்த அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது. மேலும், மாரி செல்வராஜ் மற்றும் கார்த்தி இருவருக்கும் பல படங்கள் வரிசையில் உள்ளதால், அந்த படங்கள் முடிந்த பிறகே இந்த படம் தொடங்கப்படும் என நம்பப்படுகிறது. தற்போது இந்த தகவல் இணையத்தில் வைரலாகி வருகிறது.

- Advertisement -

Read more

Local News