ராஜ்குமார் பெரியசாமி இயக்கத்தில் நடிகர் சிவகார்த்திகேயன் மற்றும் சாய் பல்லவி நடிப்பில் சமீபத்தில் வெளியான படம் ‘அமரன்’. இந்த படத்துக்கு மக்களிடமிருந்து நல்ல விமர்சனங்கள் கிடைத்து, வசூலிலும் சிறப்பான சாதனைகள் செய்து வருகிறது. வீர மரணம் அடைந்த மேஜர் முகுந்த் வரதராஜனின் வாழ்க்கையை மையமாகக் கொண்டு எடுக்கப்பட்ட இந்த படம், சிவகார்த்திகேயனின் சினிமா வாழ்க்கையில் முக்கியமான மைல்கல்லாக பார்க்கப்படுகிறது.
‘அமரன்’ படத்தின் வெற்றியைத் தொடர்ந்து சிவகார்த்திகேயன், சாய் பல்லவி மற்றும் இயக்குனர் ராஜ்குமார் பெரியசாமி அனைவரும் அதிக கவனம் பெற்றுள்ளனர். குறிப்பாக இந்த படத்தின் வெற்றிக்குப் பின் இயக்குனரை தேடி பல தயாரிப்பாளர்கள் வரிசையாக காத்திருக்கிறார்கள்.
அந்த வகையில், தனுஷை முன்னிலைப்படுத்தி கோபுரம் பிலிம்ஸ் நிறுவனத்தின் அன்பு செழியன் ஒரு புதிய படத்தை தயாரிக்க உள்ளார். இந்தப் படத்தை ராஜ்குமார் பெரியசாமி இயக்கவுள்ளார், இதற்கான பேச்சுவார்த்தைகள் முன்னேறிய நிலையில், தற்போது இதற்கான பணிகள் அடுத்த கட்டத்திற்கு சென்றதாக கூறப்படுகிறது. விரைவில் இதுகுறித்து அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.
்
