ஆதிக் ரவிச்சந்திரன் இயக்கத்தில், அஜித் குமார் மூன்று கதாபாத்திரங்களில் நடித்துள்ள திரைப்படம் ‘குட் பேட் அக்லி’. இப்படத்தில் திரிஷா, பிரசன்னா, சுனில், அர்ஜுன் தாஸ், பிரபு உள்ளிட்ட பலர் முக்கிய கதாபாத்திரங்களில் நடித்துள்ளனர்.
இந்தப் படத்தை மைத்ரி மூவி மேக்கர்ஸ் நிறுவனம் தயாரித்துள்ளது. இசையமைப்பாளராக தேவி ஸ்ரீ பிரசாத் பணியாற்றியுள்ளார், மேலும் பின்னணி இசையை ஜி.வி. பிரகாஷ் மேற்கொள்கிறார். ஏற்கனவே, இப்படத்தின் பர்ஸ்ட் லுக் மற்றும் செகண்ட் லுக் போஸ்டர்கள் வெளியிடப்பட்டு ரசிகர்களிடையே பெரும் எதிர்பார்ப்பை ஏற்படுத்தியுள்ளன.
‘குட் பேட் அக்லி’ திரைப்படம் ஏப்ரல் 10ம் தேதி திரைக்கு வரவுள்ளது. இந்நிலையில், இப்படத்தில் நடிகை சிம்ரன் ஒரு சிறப்பு தோற்றத்தில் நடித்துள்ளதாக தகவல் வெளியாகியுள்ளது. அதன்படி, சிம்ரன், ‘குட் பேட் அக்லி’ திரைப்படத்தில் ஒரு முக்கியமான கதாபாத்திரத்தில் அதாவது கேமியோ ரோலில் நடிக்கவுள்ளதாக கூறப்படுகிறது.இதற்கு முன்பு, அஜித் குமார் மற்றும் சிம்ரன், ‘வாலி’ திரைப்படத்தில் இணைந்து நடித்திருந்தனர். தற்போது, நீண்ட இடைவெளிக்குப் பிறகு, இருவரும் மீண்டும் ஒரே படத்தில் இணைந்திருப்பது ரசிகர்களிடையே பெரும் எதிர்பார்ப்பை உருவாக்கியுள்ளது.
