நடிகர் சூர்யா தற்போது கார்த்தி சுப்பராஜ் இயக்கத்தில் “சூர்யா 44” என்ற திரைப்படத்தில் நடித்து வருகிறார். சூர்யாவின் “கங்குவா” திரைப்படம் நவம்பர் 14-ஆம் தேதி வெளியாகவுள்ளது. இதற்கிடையில், இயக்குனர் வெற்றிமாறன் இயக்கத்தில் “வாடிவாசல்” என்ற திரைப்படத்திலும் சூர்யா நடிக்கவுள்ளார். இப்படத்திற்கு ஜி.வி.பிரகாஷ் இசையமைக்கிறார். ஜல்லிக்கட்டை மையமாகக் கொண்டு உருவாகிறது இந்த படம்.
ஆனால், படத்தின் படப்பிடிப்பு பணிகள் இன்னும் தொடங்கவில்லை. வெற்றிமாறன் தற்போது “விடுதலை 2” படத்தை இயக்கி வருகிறார். இந்த படத்தின் பணிகள் முடிந்தபின்னரே வாடிவாசல் தொடங்கும் என இயக்குனர் வெற்றிமாறன் கூறியிருந்தார்.
இந்நிலையில், நடிகர் சூர்யாவின் அடுத்த படத்தை ஆர்.ஜே.பாலாஜி இயக்கவுள்ளார் என தகவல் வெளியாகியுள்ளது. இது “கங்குவா” திரைப்படத்தின் ரிலீசுக்குப் பிறகு, இந்த படத்தின் பணிகள் தொடங்கும் என எதிர்பார்க்கப்படுகிறது. மூக்குத்தி அம்மன் மற்றும் வீட்ல விசேஷம் ஆகிய படங்களை ஆர்.ஜே.பாலாஜி இயக்கியுள்ளார் என்பது குறிப்பிடத்தக்கது.
