ஓ மை கடவுளே’ படத்தின் இயக்குனர் அஸ்வந்த் மாரிமுத்துவின் இயக்கத்தில் பிரதீப் ரங்கநாதன் நடிக்கும் படம் ‘டிராகன்’. ஏ.ஜி.எஸ் நிறுவனம் தயாரிக்கும் இப்படத்திற்கு லியோன் ஜேம்ஸ் இசையமைத்துள்ளார்.
இப்படத்தில் அனுபமா பரமேஸ்வரன், கயடு லோகர், மிஷ்கின், கவுதம் மேனன், வி.ஜே. சிந்து, ஷர்சத் கான் ஆகியோர் முக்கிய கதாபாத்திரங்களில் நடித்துள்ளனர். இத்திரைப்படம் முதலில் பிப்ரவரி 14ம் தேதி வெளியிடப்படும் என்று அறிவிக்கப்பட்டிருந்தது. ஆனால் தற்போது ‘விடாமுயற்சி’ படம் பிப்ரவரி 7ம் தேதி வெளியாவதால், ‘டிராகன்’ படத்தின் வெளியீடு பிப்ரவரி 21ம் தேதிக்குத் தள்ளி வைக்கப்பட்டுள்ளதாக அறிவிக்கப்பட்டுள்ளது.
‘தல’ வந்தால் தள்ளியே போக வேண்டும் என பிரதீப் ரங்கநாதன் தனது சமூக வலைதளப் பதிவில் குறிப்பிட்டுள்ளார். அதே நாளில் தனுஷ் இயக்கியுள்ள ‘நிலவுக்கு என்மேல் என்னடி கோபம்’ படமும் வெளியாகும் என்று குறிப்பிடப்பட்டுள்ளது.
