சென்னையில் இன்று (ஆகஸ்ட் 26) நடிகர் ரவிமோகன், தனது சொந்த தயாரிப்பு நிறுவனமான ‘ரவிமோகன் ஸ்டூடியோஸ்’-ஐ தொடங்கினார்.
இந்த விழாவில் நடிகர் ரவி மோகன் பேசுகையில், எனது நிறுவனத்தின் முதல் தயாரிப்பு படம் ‘ப்ரோ கோடு’. அதில் நானே ஹீரோவாக நடிக்கிறேன். கார்த்தியோகி இப்படத்தை இயக்குகிறார். தமிழ் மற்றும் தெலுங்கில் உருவாகும். அடுத்தப்படம் என் இயக்கத்தில் உருவாகும். அதில் யோகிபாபு ஹீரோவாக நடிக்கிறார்.
மேலும், ‘ரவிமோகன் ஸ்டூடியோஸ்’ பட தயாரிப்பு, வெப் சீரிஸ், வினியோகம் என பல துறைகளில் இயங்கும்” என்றார். இந்த நிறுவன தொடக்க விழாவில் நடிகர்கள் கார்த்தி, சிவகார்த்திகேயன், அதர்வா, நடிகைகள் ஜெனிலியா, ஷ்ரத்தா ஸ்ரீநாத், கன்னட நட்சத்திரம் சிவராஜ்குமார் உட்பட பலர் கலந்துகொண்டு வாழ்த்தினர். ரவிமோகனின் தோழி கெனிஷாவும் பூஜை நிகழ்ச்சியில் பங்கேற்றார். இந்த விழாவில், ‘சந்தோஷ் சுப்ரமணியம்’ படத்தின் சில காட்சிகளை ரவிமோகன்–ஜெனிலியா இணைந்து மறுபடியும் நடித்து, ரசிகர்களை மகிழ்வித்தனர்.
